ଓଡ଼ିଶାଲାଇଭ୍ ବ୍ୟୁରୋ
ସ୍ୱର୍ଗତଃ ୠଷି କପୁର ଓ ଇରଫାନଙ୍କ ସ୍ମୃତିରେ କଲର୍ସ ଟିଭି ଏକ ଭର୍ଚୁଆଲ୍ ମ୍ୟୁଜିକାଲ୍ କନସର୍ଟ କରିବାକୁ ଯାଉଛି। ମେ’ ୧୦, ମଧ୍ୟାହ୍ନ ୧୨ଟାରେ ଏହା ପ୍ରସାରିତ ହେବା। ଏହି କନସର୍ଟର ନାମ ଦର୍ଦ- ଏ -ଦିଲ ରଖାଯାଇଛି। ସନ୍ଧ୍ୟା ୫ଟାରେ ଏହାକୁ ପୁନଃପ୍ରସାରଣ କରାଯିବ। ଏନେଇ କଲର୍ସ ଟିଭି ଟୁଇଟ କରି ସୂଚନା ଦେଇଛି।
ଭାରତୀ ସିଂ, ମନୀଷ ପାଲ, ହିନା ଖାନ, ଅର୍ଜୁନ ବିଜଲାନି, ଦେବୋଲିନା ଭଟ୍ଟାଚାର୍ଜୀ, ସୁଖବିନ୍ଦର ସିଂ ଏବଂ ଆଦିତ୍ୟ ନାରାୟଣଙ୍କ ସମେତ ବଲିଉଡ ଓ ଟିଭିର ବହୁ କଳାକାର ଏଥିରେ ସାମିଲ ହେବେ।
ଏପ୍ରିଲ ୨୯ରେ ଖ୍ୟାତନାମା ଅଭିନେତା ଇରଫାନଙ୍କ ମୃତ୍ୟୁ ହୋଇଥିଲା ବେଳେ ଏପ୍ରିଲ ୩୦ରେ ୠଷି କପୁରଙ୍କ ମୃତ୍ୟୁ ହୋଇଥିଲା। ଉଭୟ କଳାକାରଙ୍କ ମୃତ୍ୟୁ ବଲିଉଡରେ ଏକ ଅପୂରଣୀୟ କ୍ଷତି ସୃଷ୍ଟି କରିଛି।
