ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ଟିଭି କଳାକାରମାନେ ଯେ କେବଳ ଅଭିନୟରେ ଦକ୍ଷ ଥାଆନ୍ତି ତାହା ନୁହେଁ। ଏହି କଳାକାରମାନେ ଅନ୍ୟ କ୍ଷେତ୍ରରେ ମଧ୍ୟ ବେଶ୍ ଭଲ ଅନୁଭୂତି ହାସଲ କରିଥାନ୍ତି। ଯେମିତିକି ଟିଭିର କିଛି ଅଭିନେତ୍ରୀ ସିରିଏଲରେ କାମ କରିବା ପୂର୍ବରୁ ଏୟାର ହୋଷ୍ଟେସ ଥିଲେ। ସେହି କ୍ଷେତ୍ରରେ ବି ତାଙ୍କର ଯଥେଷ୍ଟ ଅନୁଭୂତି ରହିଛି।
ଦୀପିକା କକ୍କଡ
ଲୋକପ୍ରିୟ ଟିଭି ଅଭିନେତ୍ରୀ ଦୀପିକା କକ୍କଡ ସୁସୁରାଲ ସିମର କା, କାହାଁ ହମ୍ କାହାଁ ତୁମ୍ ରେ ଅଭିନୟ କରି ଲକ୍ଷ ଲକ୍ଷ ଲୋକଙ୍କ ହୃଦୟ ଜିତିଛନ୍ତି। କିନ୍ତୁ ଖୁବ୍ କମ୍ ଲୋକ ଜାଣନ୍ତି ଯେ ଦୀପିକା କକ୍କର ଜଣେ ଅଭିନେତ୍ରୀ ହେବା ପୂର୍ବରୁ ଏୟାର ହୋଷ୍ଟେସ୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ। ତାଙ୍କର ସ୍ୱପ୍ନ ଥିଲା ଏୟାର ହୋଷ୍ଟେସ୍ ଭାବରେ ଆନ୍ତର୍ଜାତୀୟ ବିମାନ ସେବାରେ କାମ କରିବା, କିନ୍ତୁ ସ୍ୱାସ୍ଥ୍ୟ ସମସ୍ୟା ହେତୁ ଏହା ହୋଇପାରିଲା ନାହିଁ। ପରେ ଦୀପିକା ଅଭିନୟରେ କ୍ୟାରିୟର କରିବା ପାଇଁ ଚାକିରି ଛାଡି ମଡେଲିଂରେ ଯୋଗ ଦେଇଥିଲେ।
ନେହା ସାକ୍ସେନା
ନେହା ସାକ୍ସେନା ବର୍ତ୍ତମାନ ଟିଭି ଜଗତଠାରୁ ଦୂରରେ ଅଛନ୍ତି, କିନ୍ତୁ ଦିନେ ସେ ଟିଭିର ଜଣେ ଜଣାଶୁଣା ଚେହେରା ଥିଲେ। ତାଙ୍କର ଟିଭି ସୋ’ ‘ସାଜନ ଘର ଜାନା ହୈ’, ‘ତେରେ ଲିୟେ’ ଭଳି ଟିଭି ସୋ’ ରେ କାମ କରିଥିଲେ। କିନ୍ତୁ ନେହା ସାକ୍ସେନା ଅଭିନୟରେ ଆସିବା ପରେ ଜଣେ ଏୟାର ହୋଷ୍ଟେସ୍ ମଧ୍ୟ ଥିଲେ।
ଗୁଞ୍ଜନ ୱାଲିଆ
ଟିଭି ଅଭିନେତ୍ରୀ ଗୁଞ୍ଜନ ୱାଲିଆ ମଧ୍ୟ ଏୟାର ହୋଷ୍ଟେସ୍ ଭାବରେ କ୍ୟାରିୟର ଆରମ୍ଭ କରିଥିଲେ। କିନ୍ତୁ ପରେ, ସେ ଏହି କ୍ଷେତ୍ର ଛାଡି ମଡେଲିଂ ଏବଂ ଅଭିନୟ ଜଗତକୁ ଆସିଥିଲେ।
ହିନା ଖାନ
‘ୟେ ରିସ୍ତା କୟା କେହଲତା ହୈ’ ରେ ଅକ୍ଷରା ଭୂମିକାରେ ଅଭିନୟ କରି ହିନା ବେଶ ସଫଳତା ହାସଲ କରିଥିଲେ। ଆଜି ତାଙ୍କୁ ଟିଭିର ଶ୍ରେଷ୍ଠ ତଥା ସର୍ବାଧିକ ଆୟ କରୁଥିବା ହିରୋଇନମାନଙ୍କ ମଧ୍ୟରେ ଗଣାଯାଏ। କିନ୍ତୁ ଅଭିନୟ କରିବା ପୂର୍ବରୁ ହିନା ଖାନ ମଧ୍ୟ ଏୟାର ହୋଷ୍ଟେସ୍ ହେବାର ସ୍ୱପ୍ନ ଦେଖିଥିଲେ ଏବଂ ସେ ମଧ୍ୟ ଏହି ପାଠ ପଢ଼ୁଥିଲେ।
