ଓଡ଼ିଶାଲାଇଭ୍ ବ୍ୟୁରୋ
କରୋନା ସଂକ୍ରମଣ ସମୟରେ କିପରି ନିର୍ବାଚନ ପ୍ରଚାର ହେବ ସେନେଇ ସବୁ ରାଜନୈତିକ ଦଳଠାରୁ ପରାମର୍ଶ ଲୋଡ଼ିଛନ୍ତି ନିର୍ବାଚନ ଆୟୋଗ। ଏ ସମ୍ପର୍କରେ ସବୁ ଜାତୀୟ ଓ ଆଞ୍ଚଳିକ ଦଳକୁ ସେମାନଙ୍କ ମତାମତ ଦେବାକୁ କୁହାଯାଇଛି।
ସବୁ ରାଜନୈତିକ ଦଳ ଜୁଲାଇ ୩୧ ସୁଦ୍ଧା ନିଜର ମତାମତ ଦେବେ। କରୋନା ମହାମାରୀ ଯୋଗୁଁ ବହୁ ସଂଖ୍ୟକ ଲୋକ ଏକାଠି ହେବା ଉପରେ କଟକଣା ଜାରି କରାଯାଇଛି। ଏଥିସହିତ ରାଜନୈତିକ ରାଲି ଓ ବୈଠକ ଉପରେ ମଧ୍ୟ କଟକଣା ଲାଗିଛି।
ଆଗାମୀ ଦିନରେ ବିହାରରେ ବିଧାନସଭା ଓ ପଞ୍ଚାୟତ ନିର୍ବାଚନ ଥିବାରୁ ନିର୍ବାଚନ ଆୟୋଗ ପକ୍ଷରୁ ସବୁ ଦଳର ମତାମତ ଲୋଡ଼ା ଯାଇଛି।