ଓଡ଼ିଶାଲାଇଭ୍ ବ୍ୟୁରୋ
ନୂଆ କୃଷି ଆଇନକୁ ବିରୋଧ କରି ଚାଷୀ ଦେଇଥିବା ଭାରତ ବନ୍ଦର ବ୍ୟାପକ ପ୍ରଭାବ ଦେଖିବାକୁ ମିଳିଛି। ଚାଷୀଙ୍କ ଏହି ବିକ୍ଷୋଭରେ ବିଭିନ୍ନ ରାଜନୈତିକ ଦଳ ସମର୍ଥନ ଜଣାଇ ରାଜରାସ୍ତାକୁ ଓହ୍ଲାଇଛନ୍ତି। ଦିଲ୍ଲୀରୁ ଆରମ୍ଭ କରି ରାଜସ୍ଥାନ, ଉତ୍ତରପ୍ରଦେଶରୁ ଆରମ୍ଭ କରି ଓଡ଼ିଶା ପର୍ଯ୍ୟନ୍ତ ବିଭିନ୍ନ ରାଜ୍ୟରେ ଏହାର ପ୍ରଭାବ ଦେଖିବାକୁ ମିଳିଛି। କେଉଁଠି ରେଳରୋକ କରାଯାଇଛି ତ କେଉଁଠି ରାସ୍ତାରେ ଟାୟାର ଜାଳି ପ୍ରତିବାଦ କରାଯାଇଛି। ସବୁଠୁ ଗୁରୁତ୍ୱପୂର୍ଣ୍ଣ କଥା ଆଜିର ଏହି ବନ୍ଦରେ କୌଣସି ହିଂସାକାଣ୍ଡ ଘଟିନି।
ଦିଲ୍ଲୀ
ଚାଷୀ ଦେଇଥିବା ଏହି ଭାରତ ବନ୍ଦ ଡାକରାର ପ୍ରଭାବ ଦିଲ୍ଲୀରେ ସବୁଠୁ ଅଧିକ ପଡ଼ିଛି। କାରଣ ଗତ ୧୨ ଦିନ ହେବ ଦିଲ୍ଲୀ ସୀମାରେ ଚାଷୀ ଧାରଣାରେ ବସିଛନ୍ତି। ବନ୍ଦ ଯୋଗୁଁ ଜାତୀୟ ରାଜଧାନୀ ଦିଲ୍ଲୀରେ ପରିବହନ ସେବା ଅଧିକ ପ୍ରଭାବିତ ହୋଇଛି। କାରଣ ଦିଲ୍ଲୀର କିଛି ଟ୍ୟାକ୍ସି ୟୁନିୟନ ଆଜି ଭାରତ ବନ୍ଦର ସମର୍ଥନ କରିଛନ୍ତି। ଅନ୍ୟପଟେ ସୋମବାର ଦିନ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲ ସିଙ୍ଘୁ ବର୍ଡରରେ ଚାଷୀଙ୍କୁ ଭେଟି ସେ ଏହି ବନ୍ଦକୁ ସମର୍ଥନ କରୁଥିବା ଘୋଷଣା କରିଥିଲେ। ଫଳରେ ମଙ୍ଗଳବାର ଆମ ଆଦମୀ ପାର୍ଟି ଚାଷୀଙ୍କ ସମର୍ଥନରେ ରାସ୍ତାକୁ ଓହ୍ଲାଇଥିଲେ।
ଉତ୍ତରପ୍ରଦେଶ
ଉତ୍ତରପ୍ରଦେଶରେ କୃଷି ଆଇନକୁ ବିରୋଧ କରାଯାଉଛି। ଚାଷୀଙ୍କ ଭାରତ ବନ୍ଦ ଡାକରାକୁ ସମର୍ଥନ କରି ବିକ୍ଷୋଭ ପ୍ରଦର୍ଶନ କରାଯାଇଛି। ଫଳରେ ରାଜ୍ୟରେ ଯାତାୟତ ବାଧାପ୍ରାପ୍ତ ହୋଇଛି। ପ୍ରୟାଗରାଜରେ ସମାଜବାଦୀ ପାର୍ଟିର କର୍ମକର୍ତ୍ତା ବନ୍ଦର ସମର୍ଥନ କରି ରେଳରୋକ କରିଥିବା ମଧ୍ୟ ଦେଖିବାକୁ ମିଳିଥିଲା। ତେବେ ଭାରତ ବନ୍ଦ ସମୟରେ ଆଇନ ଶୃଙ୍ଖଳା ଭଙ୍ଗ କରୁଥିବା ବ୍ୟକ୍ତିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘୋଷଣା କରିଥିଲେ। 
ପଞ୍ଜାବ – ଭାରତ ବୃନ୍ଦଙ୍କ ସମର୍ଥନରେ ଅମୃତସରରେ ଦୋକାନ ବନ୍ଦ ରହିଛି। ଜରୁରୀକାଳନୀ ସେବାକୁ ଛାଡ଼ିଦେଲେ ସବୁ କିଛି ବନ୍ଦ ରହିଛି। ଲୋକେ ନିଜ ଇଚ୍ଛାରେ ଦୋକାନ ବଜାର ମନ୍ଦ କରୁଥିବା ଦେଖିବାକୁ ମିଳିଛି।
ଓଡ଼ିଶା – ଭାରତ ବନ୍ଦର ପ୍ରଭାବ ଓଡ଼ିଶା ଉପରେ ମଧ୍ୟ ପଡ଼ିଥିବା ଦେଖାଯାଇଛି। ଭୁବନେଶ୍ଵର, କଟକ, ରାଉରକେଲା, ବାଲେଶ୍ଵର ସମେତ ରାଜ୍ୟର ବିଭିନ୍ନ ସ୍ଥାନରେ ଆନ୍ଦୋଳନକାରୀମାନେ ପିକେଟିଂ ସହ ଟାୟାର ଜାଳି ରାସ୍ତା ଅବରୋଧ କରିଥିଲେ। ଫଳରେ ରାଜ୍ୟରେ ଚକ ଅଖ ଏକପ୍ରକାର ବନ୍ଦ ହୋଇଯାଇଥିଲା। ସେହିପରି ରାଉରକେଲାରେ ଶ୍ରମିକ ସଂଗଠନଗୁଡ଼ିକ ପକ୍ଷରୁ ବିକ୍ଷୋଭ କରାଯାଇଥିଲା। ଫଳରେ ସେଠାରେ ବସ୍ ଚଳାଚଳ ବନ୍ଦ ବନ୍ଦ ଥିଲା।
କର୍ଣ୍ଣାଟକ– କଂଗ୍ରେସ କର୍ମୀମାନେ ବେଙ୍ଗାଳୁରୁରେ ବନ୍ଦ ସମର୍ଥନରେ ବିକ୍ଷୋଭ ପ୍ରଦର୍ଶନ କରିଛନ୍ତି।
ବିହାର– ହାଜିପୁର, ଜେହାନାବାଦ, ଖାଗରିଆ, ଦରଭଙ୍ଗା ଏବଂ ଅନ୍ୟାନ୍ୟ ଜିଲ୍ଲାରେ କୃଷକ ସକାଳୁ ରାସ୍ତାରେ ବସି ବନ୍ଦକୁ ସମର୍ଥନ କରୁଥିବା ଦେଖିବାକୁ ମିଳିଥିଲା।
ତେଲେଙ୍ଗାନା– ତେଲେଙ୍ଗାନାର କାମାରେଡିରେ ସଡକ ପରିବହନ ନିଗମର କର୍ମଚାରୀମାନେ ଭରତ ବନ୍ଦଙ୍କୁ ସମର୍ଥନ କରିଛନ୍ତି।
ହରିୟାଣା, ପଞ୍ଜାବ ଉତ୍ତରପ୍ରଦେଶ, ଦିଲ୍ଲୀ, ଓଡ଼ିଶା, ଉତ୍ତରାଖଣ୍ଡ, ମଧ୍ୟପ୍ରଦେଶ ରାଜସ୍ଥାନ, ପଶ୍ଚିମ ବଙ୍ଗ, ବ୍ୟତୀତ ତାମିଲନାଡୁ, ଆସାମ, ତ୍ରିପୁରା, ଝାଡ଼ଖଣ୍ଡ, କେରଳ ଜମ୍ମୁ କଶ୍ମୀର, ଆଦି ରାଜ୍ୟ ଭାରତ ବନ୍ଦକୁ ସମର୍ଥନ କରିଥିଲେ।
ଅନ୍ୟପଟେ ହରିୟାଣା-ଦିଲ୍ଲୀ ବର୍ଡର ସିଙ୍ଘୁରେ ଚାଷୀଙ୍କ ଆନ୍ଦୋଳନକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିଲା। ଟିକ୍ରି ସୀମାରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଥିଲା ସମସ୍ୟାର ସମାଧାନ ପାଇଁ ବୁଧବାର ଷଷ୍ଠ ଥର ଲାଗି ଚାଷୀ ଓ ସରକାରଙ୍କ ମଧ୍ୟରେ ଆଲୋଚନା ହେବ ବୋଲି ଜଣାପଡ଼ିଛି।
