ଓଡ଼ିଶାଲାଇଭ୍ ବ୍ୟୁରୋ
ଶାନ୍ତିଲତା ବାରିକ ଛୋଟରାୟ ଓଡ଼ିଆ ଭକ୍ତି ସଙ୍ଗୀତର ଜଣେ ଅତି ପରିଚିତ ଓ ଆପଣାର ନାଁ। ନିଜ କଣ୍ଠର ମିଠାପଣ ସହିତ ଅପୂର୍ବ ଭକ୍ତି ଭାବନା ଯୋଡ଼ି ସେ ଯେଉଁ ସଙ୍ଗୀତ ପରିବେଷଣ କରନ୍ତି, ତାହା ଶ୍ରୋତାଙ୍କ ଭିତରେ ଭକ୍ତି, ସମର୍ପଣ ଏବଂ ବିଭୁ ଚେତନା ସୃଷ୍ଟି କରେ। ସେ ଗାଇଥିବା ଭକ୍ତି ସଙ୍ଗୀତ ପ୍ରତି ଦେଶ ବିଦେଶରେ ଲୋକଙ୍କର ବେଶ୍ ଆଦର ରହିଛି। ତାଙ୍କ ଭଜନ ଓଡ଼ିଶାର କଳା, ସଂସ୍କୃତି ଏବଂ ଶ୍ରୀ ଜଗନ୍ନାଥଙ୍କ ସହ ଲୋକଙ୍କୁ ଯୋଡ଼ିବାରେ ସକ୍ଷମ ହୋଇପାରିଛି।
ଭଜନ ‘ବାଲିରେଣୁ ମହାବନ୍ଧ ସୁଜନ ହେ…’ ଶାନ୍ତିଲତା ବାରିକଙ୍କର ଆଉ ଏକ ଲୋକପ୍ରିୟ ଭଜନ। ଯାହା ଶ୍ରୋତାଙ୍କ ହୃଦୟକୁ ବେଶ ଚୁଇଁ ପାରିଛି। ଏହି ଗୀତରେ ଶାନ୍ତିଲତା ବାରିକ କହିବାକୁ ଚାହୁଁନ୍ତି ଯାହାର ଯେଉଁ ଧର୍ମ ସେ ଅନୁସାରେ ତାକୁ କର୍ମ ମିଳି ଆସୁଛି। ଯିଏ ନିଜର କର୍ତ୍ତବ୍ୟକୁ ଠିକ୍ ଭାବେ ପାଳନ କରୁଛି ସେ ସୁଖରେ ବଞ୍ଚୁଛି ଏବଂ ଯିଏ ନିଜର କର୍ମ ଠିକ୍ ଭାବେ କରୁନାହିଁ ତା’ ଜୀବନ ଦୁଃଖ କଷ୍ଟରେ କଟିଥାଏ। ଜ୍ଞାନୀ ଲୋକ ହିଁ ନିଜ କର୍ମ ଏବଂ ଧର୍ମ ବଳରେ ଆଗକୁ ଯାଇଥାନ୍ତି ଏବଂ ଅଜ୍ଞାନ ମଣିଷ କୁପମଣ୍ଡୁକ ଭଳି ରହିଯାଏ।
ତାଙ୍କର ପ୍ରତିଟି ଭଜନକୁ ସେ ଜଗନ୍ନାଥ ଏବଂ ଶ୍ରୀକୃଷ୍ଣଙ୍କ ଲାଗି ସମର୍ପଣ କରିଥିବା ଦେଖିବାକୁ ମିଳେ। ଓଡ଼ିଆ ଭଜନ ପ୍ରତି ଶାନ୍ତିଲତା ବାରିକ୍ ଛୋଟରାୟଙ୍କର ବିଶେଷ ଅବଦାନ ରହିଛି।
Tags: #ShantilataBarik #OdiaSong #Bhajana #ClassicalMusic #OdiaBhajana
