ଓଡ଼ିଶାଲାଇଭ୍ ବ୍ୟୁରୋ
ନୟାଗଡ଼ ଜିଲ୍ଲା ଓଡ଼ଗାଁ ବଜାରରେ ଜଣେ ବ୍ୟବସାୟୀଙ୍କୁ ଖେଳନା ବନ୍ଧୁକ ଦେଖାଇ ଡରାଇଥିବା ଯୁବକକୁ ବୁଧବାର ପୋଲିସ ଗିରଫ କରିଛି। ଗିରଫ ଯୁବକଜଣକ ହେଲେ ସ୍ଥାନୀୟ ଅଞ୍ଚଳର ଜିତେନ୍ଦ୍ର କୁମାର ନାୟକ।
ଲକ୍ଡାଉନ୍ ସମୟରେ ଓଡ଼ଗାଁ ବଜାରର ଜଣେ ବ୍ୟବସାୟୀଙ୍କ ଦୋକାନରୁ ସାମଗ୍ରୀ କିଣିବା ପାଇଁ ଜିତେନ୍ଦ୍ର ତାଙ୍କୁ ବାଧ୍ୟ କରିଥିଲେ। ଏଥିରେ ଦୋକାନୀ ରାଜି ନ ହେବାରୁ ଜିତେନ୍ଦ୍ର ତାଙ୍କୁ ଏକ ଖେଳନା ବନ୍ଧୁକ ଦେଖାଇ ଡରାଇଥିଲେ। ଏନେଇ ଦୋକାନୀ ଥାନାରେ ଅଭିଯୋଗ କରିଥିଲେ।
ଏହାପରେ ପୋଲିସ ଜିତେନ୍ଦ୍ରକୁ ଗିରଫ କରିଛି। ଗିରଫ ବେଳେ ପୋଲିସ ଜିତେନ୍ଦ୍ର ପାଖରୁ ଏକ ଖେଳନା ବନ୍ଧୁକ ଜବତ କରିଛି। ଏହି ଘଟଣାରେ ପୋଲିସ ଏକ ମାମଲା ରୁଜୁ କରି ଜିତେନ୍ଦ୍ରକୁ କୋର୍ଟ ଚାଲାଣ କରିଛି।
