ଓଡ଼ିଶାଲାଇଭ୍ ବ୍ୟୁରୋ
ଶନିବାର ବିଜେଡିରେ ସାମିଲ ହୋଇଛନ୍ତି ସୁନିତା ବିଶ୍ୱାଳ। ସୁନିତା ହେଉଛନ୍ତି ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ୱାଳଙ୍କ ଝିଅ।
ନିଜର ଅନେକ ସମର୍ଥକଙ୍କ ସହିତ ସୁନିତା ଆଜି ନବୀନ ନିବାସରେ ବିଜେଡିରେ ସାମିଲ ହୋଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ସେ ଦଳରେ ସାମିଲ ହୋଇଛନ୍ତି।
ଦଳରେ ସାମିଲ ହେବା ପରେ ମୁଖ୍ୟମନ୍ତ୍ରୀ କହିଛନ୍ତି ଦଳକୁ ସୁନିତାଙ୍କ ଯୋଗଦାନ ଆହୁରି ମଜଭୁତ କରିବ।
ପୂର୍ବରୁ ସୁନିତାଙ୍କ ବାପା ହେମାନନ୍ଦ ବିଶ୍ୱାଳ କହିଥିଲେ, “୭୪ ବର୍ଷ ବୟସରେ ମୁଁ ନିର୍ବାଚନ ଲଢ଼ିଥିଲି। ଦଳ କହିବାରୁ ମୁଁ ଗତ ନିର୍ବାଚନରେ ପ୍ରାର୍ଥୀ ହୋଇଥିଲି। ତେବେ ଆଗାମୀ ନିର୍ବାଚନ ଲଢ଼ିବା ପାଇଁ ମୋର ଇଚ୍ଛା ନାହିଁ। ୭୦ ବର୍ଷ ଟପିଗଲେ ଜଣେ ଲୋକପ୍ରତିନିଧି ନିର୍ବାଚନ ଲଢ଼ିବା ଉଚିତ ନୁହେଁ।”
