ଓଡ଼ିଶାଲାଇଭ୍ ବ୍ୟୁରୋ
ରୋହତକ ସୋନେରିଆ ଜେଲରେ ମା’ ନସିବ କୌରକୁ ଦେଖି କାନ୍ଦି ପକାଇଲେ ବଳାତ୍କାରୀ ବାବା ରାମରହିମ। ଅଗଷ୍ଟ ୨୫ରୁ ଜେଲ ଯିବା ପରେ ପ୍ରଥମ ଥର ପାଇଁ ଗୁରୁବାର ଦିନ ରାମରହିମ ପରିବାର ଲୋକଙ୍କୁ ଦେଖିବାର ସୁଯୋଗ ପାଇଥିଲେ। ଗୁରୁବାର ଦିନ ସେ ପରିବାର ଲୋକ ଓ ସମ୍ପର୍କୀୟଙ୍କୁ ଭେଟିପାରିବେ ବୋଲି ଜେଲ କର୍ତ୍ତୃପକ୍ଷ ତାଙ୍କୁ ଅନୁମତି ଦେଇଛନ୍ତି।
ପ୍ରଥମ ପରିବାର ସଦସ୍ୟ ଭାବେ ରାମରହିମଙ୍କୁ ଭେଟିବାକୁ ତାଙ୍କ ମା’ ନସିବ କୌର ଜେଲକୁ ଆସିଥିଲେ। ମା’ଙ୍କୁ ଯେତେବେଳେ ରାମରହିମ ଜେଲରେ ଦେଖିଥିଲେ, ସେ କାନ୍ଦି ପକାଇଥିଲେ। ମା’ ମଧ୍ୟ ପୁଅକୁ ଏଭଳି ସ୍ଥିତିରେ ଦେଖି କୋହ ଚାପି ପାରିନଥିଲେ। ପ୍ରାୟ ୫୦ ମିନିଟ ଧରି ମା’-ପୁଅ କଥାବାର୍ତ୍ତା ହୋଇଥିଲେ। ଏକ ସୂତ୍ରରୁ ପ୍ରକାଶ ଯେ ମା’ଙ୍କ ମୁହଁକୁ ସିଧା ଚାହିଁ ପାରିନଥିଲେ ଏହି ବଳାତ୍କାରୀ ବାବା।
ମା’ ନସିବ କୌର, ରାମରହିମଙ୍କୁ ଭେଟି ଫେରିବା ବେଳେ ଗଣମାଧ୍ୟମ ପ୍ରତିନିଧିଙ୍କ କୌଣସି ପ୍ରଶ୍ନର ଉତ୍ତର ନଦେଇ ଜେଲରୁ ଚାଲିଯାଇଥିଲେ।
ସୂଚନାଯୋଗ୍ୟ ଯେ, ମା’ ନସିବ କୌର, ଦୁଇ ଝିଅ, ଜ୍ୱାଇଁ, ପୁଅ, ବୋହୁ, ଡେରା ଆଶ୍ରମର ଅଧ୍ୟକ୍ଷ ବିପାସନା ଇନସାନ ଓ ଧରମ ଝିଅ ହନିପ୍ରୀତଙ୍କୁ ଭେଟିବା ପାଇଁ ଜେଲ କର୍ତ୍ତୃପକ୍ଷଙ୍କୁ ନିବେଦନ କରିଥିଲେ ରାମରହିମ। ତେବେ ସବୁଠାରୁ ଆଶ୍ଚର୍ଯ୍ୟ କଥା ହେଉଛି ନିଜ ପତ୍ନୀଙ୍କୁ ଭେଟିବାକୁ ଇଚ୍ଛା କରୁନାହାନ୍ତି ରାମରହିମ।
ସେପଟେ କିଛି ଦିନ ତଳେ ଜେଲରେ ମାନସିକ ଭାରସାମ୍ୟ ହରାଇ ପାଗଳଙ୍କ ଭଳି ହେଉଥିବା ରାମରହିମଙ୍କୁ ଏକ ୫ ଜଣିଆ ଡାକ୍ତରୀ ଦଳ ପରୀକ୍ଷା କରିଯାଇଛନ୍ତି। ଡାକ୍ତରୀ ଦଳର ପରୀକ୍ଷାରୁ ଜଣାପଡିଛି ଯେ ରାମରହିମ ଜଣେ ସେକ୍ସ ଆଡିକ୍ଟ।
ସେକ୍ସ ଆଡିକ୍ଟର ଅର୍ଥ ହେଉଛି, ନିର୍ଦ୍ଦିଷ୍ଟ ଅନ୍ତରରେ ଯୌନ ସୁଖ ନପାଇଲେ ପାଗଳ ଭଳି ଅସ୍ତବ୍ୟସ୍ତ ହେବା। ଜେଲରେ ରହି ଏହି ସୁଖରୁ ବଞ୍ଚିତ ହେଉଥିବାରୁ ରାମରହିମ ଅସୁସ୍ଥ ହୋଇପଡିଛନ୍ତି। ତୁରନ୍ତ ଚିକିତ୍ସା କରାନଗଲେ ତାଙ୍କର ସ୍ୱାସ୍ଥ୍ୟାବସ୍ଥା ଆହୁରି ବିଗିଡ଼ିଯିବା ଆଶଙ୍କା ରହିଥିବା କହିଛନ୍ତି ଡାକ୍ତର।
ଆଉ ଏକ ସୂଚନା ଅନୁଯାୟୀ, ତଥାକଥିତ ଧରମ ଝିଅ ହନିପ୍ରୀତଙ୍କ ନାଁ ଧରି ଜେଲରେ ପାଗଳ ପ୍ରାୟ ଆଚରଣ କରୁଛନ୍ତି ରାମରହିମ। ପୂର୍ବରୁ ହନିପ୍ରୀତଙ୍କୁ ତାଙ୍କ ସହ ଜେଲରେ ରହିବାକୁ ଅନୁମତି ଦେବାକୁ ଜେଲ କର୍ତ୍ତୃପକ୍ଷଙ୍କୁ ସେ ନିବେଦନ କରିଥିଲେ। ହେଲେ ଜେଲ କର୍ତ୍ତୃପକ୍ଷ ଏହି ଅନୁମତି ଦେବାକୁ ମନା କରି ଦେଇଥିଲେ। ସେପଟେ ଗିରଫ ଭୟରେ ହନିପ୍ରୀତ ଫେରାର ହୋଇଯାଇଥିବାରୁ, ଲୁକ ଆଉଟ୍ ଜାରି କରି ତାଙ୍କୁ ଖୋଜୁଛି ହରିୟାଣା ପୁଲିସ। ତାଙ୍କ ନାଁରେ ଦେଶଦ୍ରୋହ ଭଳି ସଂଗୀନ ମାମଲା ରହିଛି।
ଦୁଇଟି ବଳାତ୍କାର ମାମଲାରେ ଡେରା ସଚ୍ଚା ସୌଦା ମୁଖ୍ୟ ରାମରହିମଙ୍କୁ ହରିଆଣାର ସ୍ୱତନ୍ତ୍ର ସିବିଆଇ କୋର୍ଟ ୨୦ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। କିନ୍ତୁ ସବୁଠାରୁ ଚକିତ କଲା ଭଳି ଘଟଣା ହେଉଛି, ଯେଉଁ ରାମରହିମ ବାରମ୍ବାର କୋର୍ଟକୁ ସେ ଜଣେ ନପୁଂସକ, ତେଣୁ ବଳାତ୍କାର କରିପାରିବେନି ବୋଲି କହିଆସୁଥିଲେ, ଏବେ ଡାକ୍ତରୀ ଟିମ୍ ତାଙ୍କୁ ଜଣେ ସେକ୍ସ ଆଡିକ୍ଟ ବୋଲି କହିଛନ୍ତି।
Tags: Bhubaneswar News, Breaking News, CBI, Dera Sacha Sauda, Gurmeet Ram Rahim, Gurmeet Ram Rahim Singh, Hanipreet, Hanipreet Isnan, Latest News, Odisha Breaking News, Odisha News, Odisha Stories, Odisha Top Stories, Punjab, Ram Rahim, Ram Rahim Verdict, Rape Case, Top Stories
