ଓଡ଼ିଶାଲାଇଭ୍ ପଲିଟିକାଲ୍ ବ୍ୟୁରୋ
ପୁରୀ ତାଳବଣିଆ ପଡିଆରେ ମିଶନ ଶକ୍ତି ମହାସମାବେଶରେ ସାମିଲ ହେବା ସହ ଏହି ସମ୍ମିଳନୀକୁ ସମ୍ବୋଧିତ କରି ମହିଳାଙ୍କ ଲାଗି ଅନେକ କିଛି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀଙ୍କ ଘୋଷଣାର କିଛି ସମୟ ପରେ ବିଜେପି ନେତ୍ରୀ ଅପରାଜିତା ଷଡଙ୍ଗୀ ସିରିଜ୍ ଟୁଇଟ କରିବା ସହ ଘୋଷଣାକୁ ନେଇ ଅନେକ ପ୍ରଶ୍ନ କରିଛନ୍ତି।
୨୦୧୩-୧୪ ବର୍ଷରେ ରାଜ୍ୟରେ ୫.୨୩ ଲକ୍ଷ ମହିଳା ସ୍ୱୟଂ ସହାୟକ ଗୋଷ୍ଠି ଥିଲେ ଏବେ ଏପ୍ରିଲ ୨୦୧୭ ସୁଦ୍ଧା ଆଉ ୩ ଲକ୍ଷ ବୃଦ୍ଧି ଘଟିଥିବା ଦାବି କରାଯାଉଛି । ଉଭୟକୁ ମିଶାଇଲେ ଏହା ୮.୨୩ ଲକ୍ଷରେ ପହଁଚିବା କଥା ।ସରକାରୀ ତଥ୍ୟ କହୁଛି ଏହି ସଂଖ୍ୟା ଆଜି ଦିନରେ ୬ ଲକ୍ଷ ରହିଛି । ୨.୨୩ ଲକ୍ଷ ମହିଳା ସ୍ୱୟଂ ସହାୟକ ଗୋଷ୍ଠି କୁଆଡେ ଉଭାନ୍ ହୋଇଗଲେ ?
— Aparajita Sarangi (@AprajitaSarangi) January 5, 2019
ଅପରାଜିତା କହିଛନ୍ତି, “୨୦୧୩-୧୪ରେ ୫.୨୩ଲକ୍ଷ ମହିଳା ସ୍ୱୟଂ ସହାୟକ ଗୋଷ୍ଠୀ ଥିଲେ। ଏପ୍ରିଲ ୨୦୧୭ରେ ଏହା ଆଉ ୩ ଲକ୍ଷ ବୃଦ୍ଧି ହୋଇଥିବା ଦାବି କରାଯାଉଛି। ଉଭୟକୁ ମିଶାଗଲେ ଏହା ୮.୨୩ଲକ୍ଷରେ ପହଞ୍ଚିବା କଥା। ତେବେ ସରକାରୀ ତଥ୍ୟରେ ଏହା ୬ଲକ୍ଷ କେମିତି ହେଲା?”
ମହିଳା ଶିଶୁ ବିକାଶ ବିଭାଗର ୧୫-୧୦-୨୦୧୮ ତାରିଖରେ ମହିଳା ସ୍ୱୟଂ ସହାୟକ ଗୋଷ୍ଠି ମାନଙ୍କୁ ସିଡ୍ ମନି ପ୍ରଦାନ ପାଇଁ ନିର୍ଦ୍ଦେଶ ପ୍ରଦାନ କରିଛି । ମାତ୍ର କାହିଁକି ଜାନୁଆରୀ ମାସ ପର୍ଯ୍ୟନ୍ତ ସରକାର ଅପେକ୍ଷା କଲେ ? ସିଡ୍ ମନି ଓ ଭୋଟ ବ୍ୟାଙ୍କ ରାଜନୀତି ସମ୍ପର୍କ ଏହା ଦ୍ୱାରା ସ୍ପଷ୍ଟ ହେଉ ନାହିଁ କି ?
— Aparajita Sarangi (@AprajitaSarangi) January 5, 2019
ସେହିପରି ମହିଳା ଶିଶୁ ବିକାଶ ମନ୍ତ୍ରାଳୟ ବିଭାଗ ଗତ ବର୍ଷ ଅକ୍ଟୋବରରେ ଏସଏଚଜି ଗ୍ରୁପ୍କୁ ସିଡ୍ ମନି ପ୍ରଦାନ ଲାଗି ଚିଠି କରିଥିଲେ। ମାତ୍ର ଏଥିରେ ବିଳମ୍ବ ହୋଇଛି। କାହିଁକି ବିଳମ୍ବ ହୋଇଛି ବୋଲି ପ୍ରଶ୍ନ କରିଛନ୍ତି ଅପରାଜିତା।
୧୯ ବର୍ଷର ଲଗାତର ଶାସନ ଦାୟିତ୍ୱରେ ରହିଥିବା ଶାସକ ବିଜେଡି ଏସଏଚଜି ମାନଙ୍କୁ ଆର୍ଥିକ ଦୃଷ୍ଟିରୁ ସଶକ୍ତ କରିବା ପାଇଁ ବିକଳ୍ପ ବାହାର କରିପାରିଲା ନାହିଁ । କେବଳ ସିଡ୍ ମନି ତାହା ପୁଣି ନିର୍ବାଚନ ର ଅବ୍ୟବହିତ ପୂର୍ବରୁ ହିଁ ପ୍ରଦାନ କରାଯାଇଛି । For last two years there was zero budget provision for SHGs!
— Aparajita Sarangi (@AprajitaSarangi) January 5, 2019
ଏହା ସହିତ ଅପରାଜିତା ଆହୁରି କହିଛନ୍ତି କି ଗତ ୨ବର୍ଷ ହେବ ଏସ୍ଏଚଜି ଗ୍ରୁପ ପାଇଁ ବଜେଟରେ କିଛିବି ଘୋଷଣା କରାଯାଇନାହିଁ। ୧୯ବର୍ଷ ହେବ ଏସଏଚଜି ମାନଙ୍କୁ ସଶକ୍ତ କରିବା ଲାଗି ବିଜେଡି କିଛି ବିକଳ୍ପ ବାହାର କରିପାରିଲା ନାହିଁ।