ଓଡ଼ିଶାଲାଇଭ୍ ଏଣ୍ଟରଟେନମେଣ୍ଟ ବ୍ୟୁରୋ
ବଲିଉଡର ମହାନାୟକ କୁହାଯାଉଥିବା ଅମିତାଭ ବଚ୍ଚନଙ୍କ ଅଭିନୟ,ଷ୍ଟାଇଲ୍ ଓ ବ୍ୟକ୍ତିତ୍ୱ ଲାଗି ପୁରା ଦୁନିଆ ତାଙ୍କୁ ଜାଣିଛି। ସମସ୍ତଙ୍କ ଲାଗି ଅମିତାଭ ରୋଲ ମଡେଲ ଅନେକ ତାଙ୍କ ଷ୍ଟାଇଲକୁ କପି ବି କରିଥାନ୍ତି।
ଏହି ମେଗାଷ୍ଟାର ଏହା ଭିତରେ ଇଣ୍ଡଷ୍ଟ୍ରୀରେ ୫୦ବର୍ଷ ପୂରଣ କରିଛନ୍ତି। ଏହି ବିଶେଷ ଅବସରରେ ପୁଅ ଅଭିଷେକ ଏକ ଇମୋସନାଲ ଚିଠି ଲେଖିଛନ୍ତି।
ଅଭିଷେକ ଇନଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି ଯେଉଁଥିରେ ସେ ଅମିତାଭଙ୍କ ଟି ସାର୍ଟ ପିନ୍ଧିଥିବା ନଜର ଆସିଛନ୍ତି। ଯେଉଁଥିରେ ସେ ଲେଖିଛନ୍ତି,”ମୋ ପାଇଁ ସେ କେବଳ ଆଇକନ୍ ନୁହଁନ୍ତି ବରଂ ତାଠୁ ଅଧିକ। ସେ ମୋ ଲାଗି ଜଣେ ବାପା,ସାଙ୍ଗ, ମାର୍ଗଦର୍ଶକ,ଆଦର୍ଶ, ଜଣେ ହିରୋ ଓ ସବୁଠୁ ବଡ଼ ସାହାର ଅଟନ୍ତି।”
“ଆଜିକୁ ୫୦ବର୍ଷ ପୂର୍ବେ ସେ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଥିଲେ। ମୋତେ ପୁରା ଭରସା ଅଛି କି ଆଜି ସେ ତାଙ୍କ କାମ ପ୍ରତି ଯେତିକି ଡେଡିକେଟେଡ, ଯେଉଁଦିନ ସେ କାମ ଆରମ୍ଭ କରିଥିଲେ ସେଦିନ ବି ଏତିକି ଡେଡିକେଟେଡ୍ ଥିବେ। ”
ବିଗ୍ ବି ୧୯୬୯ମସିହାରେ ସାତ୍ ହିନ୍ଦୁସ୍ତାନୀରୁ ନିଜ କ୍ୟାରିୟର ଆରମ୍ଭ କରିଥିଲେ। ଏହା ପରେ ସେ ସୁପରଷ୍ଟାର ରାଜେଶ ଖନ୍ନାଙ୍କ ସହ ଆନନ୍ଦ ଫିଲ୍ମରେ ନଜର ଆସିଥିଲେ। ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଦର୍ଶକଙ୍କ ମନ ଜିଣିଛନ୍ତି ଅମିତାଭ।
