ଓଡ଼ିଶାଲାଇଭ୍ ବ୍ୟୁରୋ
ପ୍ରଥମ ଦିନିକିଆରେ ଭୁଲ ପରେ ଏବେ ଦ୍ଵିତୀୟ ଦିନିକିଆକୁ ଅପେକ୍ଷା। ପ୍ରଥମ ମ୍ୟାଚରେ ବିରାଟ ୩ ନମ୍ଵରରେ ବ୍ୟାଟିଂ ନଆସି ଲୋକେଶ ରାହୁଲଙ୍କୁ ଛାଡ଼ିଥିଲେ। ଫଳରେ ଦଳ ବଡ଼ ପରାଜୟର ସମ୍ମୁଖୀନ ହୋଇଥିଲା। ବିରାଟ ଚତୁର୍ଥ ନମ୍ଵରରେ ବ୍ୟାଟିଂ କରି ବିଫଳ ହୋଇଥିଲେ।
ପ୍ରଥମ ମ୍ୟାଚରେ ବିରାଟଙ୍କ ରଣନୀତି ଥିଲେ ଯେ ରୋହିତ-ଶିଖର-ରାହୁଲ ମ୍ୟାଚ ଖେଳିବେ। ସେଥିପାଇଁ ସେ ନିମ୍ନକ୍ରମରେ ବ୍ୟାଟିଂ ଆସିବେ। ତେଣୁ ରାହୁଲଙ୍କୁ ୩ ନମ୍ଵରେ ଛାଡ଼ି ସେ ନିଜେ ୪ ନମ୍ଵରରେ ବ୍ୟାଟିଂ ଆସିଥିଲେ।
ବର୍ତ୍ତମାନ ଆଜିର ମ୍ୟାଚରେ ବିରାଟ ଏହି ରଣନୀତିକୁ ପୁଣି ଦୋହରାଇବେ ନା ନିଜେ ୩ ନମ୍ଵରରେ ବ୍ୟାଟିଂ କରିବେ ତାହା ମ୍ୟାଚରେ ହିଁ ଜଣା ପଡ଼ିବ। ହେଲେ ବିରାଟ ଥରେ କରିଥିବା ଭୁଲକୁ ପୁଣି କରିବେ ନାହିଁ ବୋଲି ଆଶଙ୍କା କରାଯାଉଛି। ଦଳକୁ ଏହି ମ୍ୟାଚ ଜିତିବା ଗୁରୁତ୍ଵପୂର୍ଣ୍ଣ ଅଟେ। ତେଣୁ ବିରାଟ ରିସ୍କ ନେବାକୁ ଚାହିଁବେନି।
