ଓଡ଼ିଶାଲାଇଭ୍ ବ୍ୟୁରୋ
ଚୀନ୍ରେ କାୟା ମେଲାଉଛି କୋରୋନା। ଏହି ଭାଇରସ୍ ଯୋଗୁଁ ଏଯାଏଁ ଚୀନ୍ରେ ୧୭୦ ଜଣଙ୍କର ଜୀବନ ଗଲାଣି। ଏହାସହ ଗତ ୨୪ ଘଣ୍ଟା ମଧ୍ୟରେ ୧ହଜାରରୁ ଅଧିକ ଲୋକଙ୍କ ନିକଟରେ ଏହି ଭୂତାଣୁ ଚିହ୍ନଟ ହୋଇଛି। ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୭ହଜାର ଟପିଲାଣି।
ଚୀନ୍ର ଉହାନରେ ଥିବା ଭାରତୀୟଙ୍କୁ ଫେରାଇ ଆଣିବାକୁ ଭାରତ ସରକାରଙ୍କ ପକ୍ଷରୁ ପ୍ରସ୍ତୁତି କରାଯାଇଛି।
କୋରୋନା ଭାଇରସ୍ ବର୍ତ୍ତମାନ ଶ୍ରୀଲଙ୍କା, ଇଣ୍ଡୋନେସିଆ, ଅଷ୍ଟ୍ରେଲିଆ, ଚୀନ ଓ ଜାପାନରେ ବ୍ୟାପିବାରେ ଲାଗିଲାଣି।
କୋରୋନା ଭୂତାଣୁ ପାଇଁ ରାଜ୍ୟ ସରକାରଙ୍କ ପକ୍ଷରୁ ମଧ୍ୟ ସମସ୍ତ ବ୍ୟବସ୍ଥା କରାଯାଇଛି। ବିମାନବନ୍ଦରରେ ବିଦେଶରୁ ଆସୁଥିବା ସମସ୍ତ ଯାତ୍ରୀଙ୍କର ପରୀକ୍ଷା କରାଯାଉଛି। ସମସ୍ତ ବଡ଼ ମେଡିକାଲଗୁଡ଼ିକରେ ସ୍ୱତନ୍ତ୍ର ଓ୍ୱାର୍ଡ ଖୋଲାଯାଇଛି।
