ଓଡିଶାଲାଇଭ୍ କରୋନା ବ୍ୟୁରୋ
କଟକ ସହରରେ କରୋନା ସ୍ଥିତି ଦିନକୁ ଦିନ ସାଂଘାତିକ ହେଉଛି। ଶନିବାର ସହରରୁ ଆଉ ୩୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ୩୨ ଜଣ କ୍ଵାରେଣ୍ଟାଇନ୍ରୁ ଏବଂ ୩ ଜଣ ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଛନ୍ତି। ଏନେଇ କଟକ ମହାନଗର ନିଗମ ପକ୍ଷରୁ ସୂଚନା ମିଳିଛି।
ଆଜି ସିଏମ୍ସି ଅଞ୍ଚଳରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ରାଉସାପାଟଣାରୁ ସର୍ବାଧିକ ୨୧ ଜଣ ଆକ୍ରାନ୍ତ ଅଛନ୍ତି। ଏଥିସହ ଏସ୍ସିବି ଆଇସୋଲେସନ୍ ଓ୍ଵାର୍ଡରୁ ୩ ଜଣ ମହିଳା କରୋନା ଯୋଦ୍ଧା, କାଳୀଗଳିରୁ ୩ ଜଣ, ବାଲୁବଜାରରୁ ୨ ଜଣ, ସିଡିଏ ସେକ୍ଟର-୬ରୁ ଜଣେ, ଶିଖରପୁରରୁ ଜଣେ, ସାହେବଜାଦା ବଜାରରୁ ଜଣେ ଏବଂ ସରକାରୀ କ୍ଵାରେଣ୍ଟାଇନ୍ରୁ ୩ ଜଣ ପଜିଟିଭ୍ ଚିହ୍ନଟ ହୋଇଛନ୍ତି।
ଏଥିସହ କଟକ ସହରରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୬୧୪ରେ ପହଞ୍ଚିଛି। ସେଥିମଧ୍ୟରୁ ୨୭୩ ଜଣ ସୁସ୍ଥ ହୋଇଥିବା ବେଳେ ୩୩୩ ଜଣ ଆକ୍ରାନ୍ତ ସକ୍ରିୟ ଅଛନ୍ତି। ସେହିପରି ସହରରେ କରୋନାଜନିତ ମୃତ୍ୟୁ ସଂଖ୍ୟା ୮ରେ ପହଞ୍ଚିଛି।
