ଓଡ଼ିଶାଲାଇଭ୍ ବ୍ୟୁରୋ
ପୁଣି ବଢ଼ୁଛି କରୋନା ସଂକ୍ରମିତଙ୍କ ସଂଖ୍ୟା। ଦେଶରେ ଗତ ୨୪ ଘଣ୍ଟାରେ ୪୦,୭୧୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାସହିତ ୧୯୯ ଆକ୍ରାନ୍ତଙ୍କ ମୃତ୍ୟୁ ଘଟିଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।
ଦେଶରେ ଏବେ ସୁଦ୍ଧା ମୋଟ ୧ କୋଟି ୧୬ ଲକ୍ଷ ୮୬ ହଜାର ୭୧୬ ଜଣ ସଂକ୍ରମିତ ହୋଇଥିଲା ବେଳେ ସୁସ୍ଥ ହୋଇ ଘରକୁ ଫେରିଛନ୍ତି ୧ କୋଟି ୧୧ ଲକ୍ଷ ୮୧ ହଜାର ୨୫୩ ଜଣ। ସେହିପରି ମୋଟ ମୃତ୍ୟୁସଂଖ୍ୟା ୧ ଲକ୍ଷ ୬୦ ହଜାର ୧୬୬କୁ ବୃଦ୍ଧି ଘଟିଛି। ଏବେ ଦେଶରେ ସକ୍ରିୟ କରୋନା ମାମଲା ୩ ଲକ୍ଷ ୪୫ ହଜାର ୩ ଶହ ରହିଛି।
ଅନ୍ୟପଟେ ଦେଶରେ ଏଯାବତ୍ ୪ କୋଟି ୮୪ ଲକ୍ଷ ୯୪ ହଜାର ୫୯୪ ଲୋକ ଟିକା ନେଇଛନ୍ତି। ଦେଶରେ ଏବେ ବି ଟିକାକରଣ ଜାରି ରହିଛି। ବଢ଼ୁଥିବା କରୋନା ସଂକ୍ରମଣକୁ ଦେଖି ସଚେତନ ରହିବାକୁ କେନ୍ଦ୍ର ସରକାର ଅନୁରୋଧ କରିଛନ୍ତି।
