ଓଡ଼ିଶାଲାଇଭ୍ ବ୍ୟୁରୋ
- ରବିବାର ଏସିଆ କପ୍ ଫାଇନାଲରେ ଭାରତ-ଶ୍ରୀଲଙ୍କା ଟକ୍କର
- ଶ୍ରୀଲଙ୍କାର କଲମ୍ବୋସ୍ଥିତ ଆର୍ ପ୍ରେମଦାସା ଷ୍ଟାଡିୟମରେ ଖେଳାଯିବ ମ୍ୟାଚ
- ଫାଇନାଲ ଜିତି ଅଷ୍ଟମ ଥର ପାଇଁ ଚାମ୍ପିୟନ ହେବା ଲକ୍ଷ୍ୟରେ ଟିମ୍ ଇଣ୍ଡିଆ
ଏସିଆ କପ୍ କ୍ରିକେଟ ଫାଇନାଲରେ ରବିବାର ଦିନ ଟକ୍କର ନେବେ ଭାରତ ଓ ଶ୍ରୀଲଙ୍କା। ଏହି ଫାଇନାଲ ଜିତି ଅଷ୍ଟମ ଥର ପାଇଁ ଏସିଆ କପ୍ ଟ୍ରଫି ଉଠାଇବାର ସୁଯୋଗ ଭାରତ ପାଖରେ ଅଛି। ମ୍ୟାଚଟିକୁ ଉପଭୋଗ କରିବାକୁ ସମଗ୍ର ଭାରତର କ୍ରିକେଟପ୍ରେମୀ ଚାହିଁ ବସିଛନ୍ତି।
ଅଧିନାୟକ ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଏସିଆ କପ୍ ଫାଇନାଲ ଖେଳିବ। ଏହାସହ ଭଲ ଫର୍ମରେ ଥିବା ଶୁଭମନ ଗିଲ୍, ବିରାଟ କୋହଲି ଓ ସୂର୍ଯ୍ୟକୁମାର ଯାଦବଙ୍କୁ ମ୍ୟାଚରେ ଦେଖିବାକୁ ମିଳିବ। ସେହିପରି ଯଶପ୍ରୀତ ବୁମରା, ମହମ୍ମଦ ଶାମି, କୁଲଦୀପ ଯାଦବ ଓ ମହମ୍ମଦ ସିରାଜ ବୋଲିଂ ବିଭାଗରେ ନିଜର କାମାଲ ଦେଖାଇବାକୁ ପ୍ରସ୍ତୁତ ଅଛନ୍ତି।
ଉଭୟ ଭାରତ ଓ ଶ୍ରୀଲଙ୍କା ଚଳିତ ଏସିଆ କପ୍ ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରି ଫାଇନାଲକୁ ଆସିଛନ୍ତି। ଫାଇନାଲର ଯାତ୍ରାରେ ପାକିସ୍ତାନ, ବାଙ୍ଗଲାଦେଶ, ନେପାଳ ଓ ଆଫଗାନିସ୍ତାନକୁ ହରାଇଛନ୍ତି ଏହି ଦୁଇ ଦଳ।
ଭାରତ ପୂର୍ବରୁ ୧୯୮୪, ୧୯୮୮, ୧୯୯୦, ୧୯୯୫, ୨୦୧୦ ଓ ୨୦୧୬ ମସିହାରେ ଏସିଆ କପ୍ କ୍ରିକେଟ ଜିତିସାରିଛି। ଏହାସହ ୨୦୧୮ରେ ଭାରତ ଶେଷ ଥର ଏସିଆ କପ୍ ଚାମ୍ପିୟନ ହୋଇଥିଲା।
୨୦୧୮ ପରେ ଭାରତ ଆଇସିସିର ୫ଟି ଟୁର୍ଣ୍ଣାମେଣ୍ଟ ଓ ୨୦୧୯ର ଏସିଆ କପରେ ଖେଳିଥିଲା ମଧ୍ୟ କୌଣସି ବଡ଼ ଟୁର୍ଣ୍ଣାମେଣ୍ଟ ଜିତି ପାରିନାହିଁ। ଏସିଆ କପ୍ ଜିତି ଭାରତ ବିଜୟଧାରାକୁ ଫେରିବ ବୋଲି ସବୁ କ୍ରୀଡ଼ା ପ୍ରେମୀ ଆଶା ରଖିଛନ୍ତି।
ଏସିଆ କପ୍ ଫାଇନାଲ ମ୍ୟାଚଟି ଶ୍ରୀଲଙ୍କାର କଲମ୍ବୋସ୍ଥିତ ଆର୍ ପ୍ରେମଦାସା ଷ୍ଟାଡିୟମରେ ଖେଳାଯିବ। ରବିବାର ଦିନ ୩ଟା ବେଳେ ଏହି ମେଗା ଫାଇନାଲ ଆରମ୍ଭ ହେବ।
Tags: #AsiaCupCricket2023 #Final #IndiavsSrilanka #RohitSharma #Cricket #BCCI #India
