ଓଡ଼ିଶାଲାଇଭ୍ ବ୍ୟୁରୋ
ଇଂଲଣ୍ଡ ବିପକ୍ଷରେ ଟି-୨୦ ସିରିଜ ପରେ ଏବେ ଦିନିକିଆ ସିରିଜ ହାସଲ କରିବା ଲକ୍ଷରେ ଭାରତ।
ଲର୍ଡସ ଗ୍ରାଉଣ୍ଡରେ ଘରୋଇ ଇଂଲଣ୍ଡ ଓ ଭାରତ ମଧ୍ୟରେ ସିରିଜର ଦ୍ୱିତୀୟ ଦିନିକିଆ କ୍ରିକେଟ ମ୍ୟାଚ ଆରମ୍ଭ ହୋଇଛି। ଗୁରୁବାର ପ୍ରଥମ ଦିନିକିଆରେ ଇଂଲଣ୍ଡକୁ ୮ ୱିକେଟରେ ପରାସ୍ତ କରିଥିବା ଭାରତୀୟ ଦଳ ଏହି ମ୍ୟାଚ ଜିତି ତିନିଟିକିଆ ସିରିଜକୁ ହାତେଇବାକୁ ଲକ୍ଷ୍ୟ ରଖିଛି।
ଦ୍ଵିତୀୟ ଦିନିକିଆରେ ଇଂଲଣ୍ଡ ପ୍ରଥମେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି। ଇଂଲଣ୍ଡ ଓ ଭାରତୀୟ ଟିମରେ କୌଣସି ପରିବର୍ତ୍ତନ କରାଯାଇନାହିଁ।
୩ ମ୍ୟାଚ୍ ଶୃଙ୍ଖଳାରେ ଭାରତ ଏବେ ୧-୦ରେ ଆଗୁଆ ରହିଛି। ପ୍ରଥମ ମ୍ୟାଚରେ ଇଂଲଣ୍ଡକୁ ୮ ଓ୍ଵିକେଟ୍ରେ ହରାଇଥିଲା।
ଭାରତ ଯଦି ଦିନିକିଆ ଶୃଙ୍ଖଳାରେ ଶନିବାର ୨-୦ରେ ଆଗୁଆ ହୋଇଯାଏ ତେବେ ଆଇସିସି ମାନ୍ୟତାରେ ମଧ୍ୟ ଉଭୟ ଦେଶ ମଧ୍ୟରେ ଥିବା ଫରକ କମିଯିବ। ଗତ ମ୍ୟାଚରେ ବିରାଟ କୋହଲି ଭଲ ବ୍ୟାଟିଂ କରିବା ଏବଂ ରୋହିତ ଶର୍ମା ଲଗାତାର ଶତକ ମାରିବା ଭାରତର ବ୍ୟାଟିଂକୁ ଆତ୍ମବିଶ୍ୱାସକୁ ନେଇଛି।
