ଓଡ଼ିଶାଲାଇଭ୍ ବ୍ୟୁରୋ
ବୁଧବାର ସକାଳେ ଭାରତର ୪୦ତମ ଯୋଗାଯୋଗ ସାଟେଲାଇଟ୍ ‘ଜିସ୍ୟାଟ୍-୩୧’ର ଉତ୍କ୍ଷେପଣ ସଫଳ ହୋଇଛି। ଏହି ସାଟେଲାଇଟ୍କୁ ଭାରତ ବାହାରେ ଫ୍ରେଞ୍ଚ ଗୁଏନାଠାରେ ଉତ୍କ୍ଷେପଣ କରାଯାଇଥିଲା। ୨୦୧୯ ମସିହାରେ ଇସ୍ରୋ ପକ୍ଷରୁ ଏହା ତୃତୀୟ ସଫଳ ଉତ୍କ୍ଷେପଣ ବୋଲି ଜଣାଯାଇଛି।
‘ଜିସ୍ୟାଟ୍-୩୧’କୁ ଆମେରିକାର ଦକ୍ଷିଣ ଉପକୂଳ ନିକଟବର୍ତ୍ତୀ ତଥା ଫ୍ରାନ୍ସର ସୀମା ଭିତରେ ଥିବା କୌରୋଉ ସ୍ଥିତ ଏରିଏନ୍ ଲଞ୍ଚ କମ୍ପ୍ଲେକ୍ସରୁ ଉତ୍କ୍ଷେପଣ କରାଯାଇଛି। ଉତ୍କ୍ଷେପଣର ୪୨ ମିନିଟ୍ ପରେ ଏହା କକ୍ଷ ନିର୍ଦ୍ଦିଷ୍ଟ ପଥରେ ଅବସ୍ଥାପିତ ହୋଇଥିଲା।
?? #ISROMissions ??
Here’s a lift-off video from @Arianespace.#GSAT31#Ariane5 (#VA247) pic.twitter.com/mHvltAXC1Y
— ISRO (@isro) February 6, 2019
ଉତ୍କ୍ଷେପଣ ପରେ ସତୀଶ ଧାୱନ ମହାକାଶ ଗବେଷଣା କେନ୍ଦ୍ରର ନିର୍ଦ୍ଦେଶକ ଏସ୍ ପାଣ୍ଡିଆନ୍ ନିଜର ଖୁସି ବ୍ୟକ୍ତ କରିଛନ୍ତି। ତାଙ୍କ କହିବା ଅନୁଯାୟୀ ‘ଜିସ୍ୟାଟ୍-୩୧’ର ସଫଳ ଉତ୍କ୍ଷେପଣରେ ସେ ଆନନ୍ଦିତ ଅଛନ୍ତି। ଏହା ୨୦୧୯ ମସିହାରେ ଇସ୍ରୋର ତୃତୀୟ ସଫଳ ଉତ୍କ୍ଷେପଣ।
“ଜିସ୍ୟାଟ୍-୩୧ ଇନ୍ସ୍ୟାଟ୍ର ସ୍ଥାନ ନେବ। ବର୍ତ୍ତମାନ ଇନ୍ସ୍ୟାଟ୍ ସାଟେଲାଇଟ୍ର ଜୀବନକାଳ ସରିଆସୁଛି। ଜିସ୍ୟାଟ୍-୩୧ ବିଶେଷ କରି ଭାରତର ମୂଖ୍ୟଭୂମି ତଥା ଦ୍ୱୀପମାନଙ୍କୁ ଯୋଗାଯୋଗ ସେବା ଯୋଗାଇବ।”, ଇସ୍ରୋ ଅଧ୍ୟକ୍ଷ ଡକ୍ଟର କେ ସିଭନ କହିଛନ୍ତି।
