ଓଡ଼ିଶାଲାଇଭ୍ ବ୍ୟୁରୋ
ତାଳଚେରରେ ହାତୀ ଆକ୍ରମଣରେ ୫ଜଣଙ୍କର ମୃତ୍ୟୁ ହୋଇଛି। ୨ଟି ଗାଁରେ ପସି ହାତୀ ଆକ୍ରମଣ କରିଥିବା ସୂଚନା ମିଳିଛି।
ଷଣ୍ଢ ଗାଁର ୪ଜଣ ଓ ସନ୍ଥପଡ଼ା ଗାଁରେ ଜଣଙ୍କୁ ଦଳି ମାରିଦେଇଛି ହାତୀ। ମୃତକଙ୍କ ମଧ୍ୟରେ ଜଣେ ମହିଳା, ୨ଜଣ ଝିଅ, ଜଣେ ବୃଦ୍ଧା ଓ ଜଣେ ଯୁବକ ଥିଲେ।
ଗତକାଲି ରାତିରେ ବାରଣ୍ଡାରେ ଶୋଇଥିବା ବେଳେ ଯୁବକଙ୍କୁ ଆକ୍ରମଣ କରିଛି ହାତୀ। ଏହାପରେ ପାଖ ଗାଁ ସନ୍ଥପଡ଼ା ଗାଁରେ ଜଣେ ବୃଦ୍ଧଙ୍କୁ ଆକ୍ରମଣ କରିଛି ହାତୀ।
ଷଣ୍ଡଗାଁରେ ଯେଉଁ ୪ ଜଣଙ୍କର ମୃତ୍ୟୁ ହୋଇଛି ସେମାନଙ୍କ ମଧ୍ୟରୁ ୩ଜଣ ଗୋଟିଏ ପରିବାର ବୋଲି କୁହାଯାଉଛି। ଘଟଣା ଘଟିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା। ଖବରପାଇ ଘଟଣାସ୍ଥଳରେ ବନବିଭାଗ ପହଞ୍ଚିଥିଲା, ଲୋକଙ୍କୁ ବୁଝାସୁଝା କରିବା ସହ କ୍ଷତିପୂରଣ ନେଇ ପ୍ରତିଶ୍ରୁତି ଦିଆଯାଇଛି।
