ଓଡ଼ିଶାଲାଇଭ୍ ବ୍ୟୁରୋ
ପାକିସ୍ତାନ ଟିମକୁ ସେମିଫାଇନାଲ ଯିବାକୁ ଭାରତର ସାହାଯ୍ୟ ଲେଡ଼ିଲେ ସୋଏବ ଅଖତର।
ଚଳିତ ବିଶ୍ଵକପରେ ସେମିଫାଇନାଲ ଯିବାକୁ ପାକିସ୍ତାନ ଦଳକୁ ସାହାଯ୍ୟ କରିବା ଲାଗି ଭାରତକୁ ଅପିଲ କରିଛନ୍ତି ପାକିସ୍ତାନ ପୂର୍ବତନ ଫାଷ୍ଟ ବୋଲର ସୋଏବ ଅଖତର।
ତାଙ୍କ ୟୁଟୁବ ଚ୍ୟାନେଲରେ ଏକ ଭିଡିଓ ଅପଲୋଡ କରି ସୋଏବ କହିଛନ୍ତି, ‘‘ଏବେ ଭାରତ ହିଁ ପାକିସ୍ତାନକୁ ସାହାଯ୍ୟ କରିବ।’’
ଯଦି ଭାରତ ତା’ର ପରବର୍ତ୍ତୀ ମ୍ୟାଚରେ ଇଂଲଣ୍ଡକୁ ପରାସ୍ତ କରେ ତେବେ ଇଂଲଣ୍ଡ ଚଳିତ ବିଶ୍ଵକପରୁ ବିଦାୟ ନେବା ସହ ପାକିସ୍ତାନ ୧୧ ପଏଣ୍ଟ ପାଇ ସେମିରେ ପ୍ରବେଶ କରିବ। ଗତ ମ୍ୟାଚରେ ନ୍ୟୁଜିଲାଣ୍ଡକୁ ପରାସ୍ତ କରିବା ପରେ ପାକିସ୍ତାନ ସେମିଫାଇନାଲ ଆଶା ବଢ଼ି ଯାଇଛି। ଦଳ ତା’ର ପରବର୍ତ୍ତୀ ଦୁଇଟି ମ୍ୟାଚ ଦୁର୍ବଳ ଆଫଗାନିସ୍ତାନ ଓ ବାଂଲାଦେଶ ସହ ଖେଳିବ।
ସୋଏବ ଆହୁରି କହିଛନ୍ତି, ‘‘ଭାରତ ଇଂଲଣ୍ଡକୁ ପରାସ୍ତ କଲେ ପାକିସ୍ତାନ ତା’ର ଆଗାମୀ ଦୁଇଟି ମ୍ୟାଚ ଜିତି ସେମିଫାଇନାଲରେ ପହଞ୍ଚିବ। ଏବଂ ସେମିଫାଇନାଲରେ ପାକିସ୍ତାନ ଭାରତକୁ ପରାସ୍ତ କରିବ।’’
