ଓଡ଼ିଶାଲାଇଭ୍ ବ୍ୟୁରୋ
ବାରବାଟୀରେ ଡିସେମ୍ଵର ୨୨ ତାରିଖରେ ଭାରତ-ଓ୍ଵେଷ୍ଟଇଣ୍ଡିଜ ମଧ୍ୟରେ ଦିନିକିଆ ମ୍ୟାଚ ଖେଳାଯିବ। ଏହି ମ୍ୟାଚ ହେବା ପାଇଁ ଆଉ ୪ ଦିନ ବାକି ରହିଲା। ଏହି ମ୍ୟାଚ ଜରିଆରେ ବିରାଟ ବାରବାଟୀରେ ତାଙ୍କର ତୃତୀୟ ମ୍ୟାଚ ଖେଳିବାକୁ ଯାଉଛନ୍ତି। ଏହାସହ ସେ ଆଝାରୁଦ୍ଦିନଙ୍କ ନିକଟତର ହେବେ।
ବାରବାଟୀରେ ଆଝାରୁଦ୍ଦିନ ଅଧିନାୟକ ଭାବେ ସର୍ବାଧିକ ୪ଟି ମ୍ୟାଚ ଖେଳିଛନ୍ତି, ଯେଉଁଥିରେ ସେ ୩ଟି ମ୍ୟାଚ ଜିତିଥିବା ବେଳେ ଗୋଟିଏ ମ୍ୟାଚ ହାରିଛନ୍ତି। ତାଙ୍କ ପଛକୁ ରାହୁଲ ଦ୍ରାବିଡ, ସୁନିଲ ଗାଭାସ୍କର, ସୌରଭ ଗାଙ୍ଗୁଲି ୨ଟି ଲେଖାଏଁ ମ୍ୟାଚ ଜିତିଛନ୍ତି, ଯେଉଁଥିରେ ଗୋଟିଏ ମ୍ୟାଚ ଜିତିଥିବା ବେଳେ ଗୋଟିଏ ମ୍ୟାଚ ହାରିଛନ୍ତି।
ତାଙ୍କ ପଛକୁ ରହିଛନ୍ତି ବିରାଟ କୋହଲି ବର୍ତ୍ତମାନ ବିରାଟ ଅଧିନାୟକ ଭାବେ ୨ଟି ମ୍ୟାଚ ବାରବାଟୀରେ ଖେଳିଛନ୍ତି। ଯେଉଁଥିରେ ସେ ଦୁଇଟି ଯାକ ମ୍ୟାଚରେ ବିଜୟୀ ହୋଇଛନ୍ତି। ତାଙ୍କ ପଛକୁ ରହିଛନ୍ତି ମହେନ୍ଦ୍ର ସିଂହ ଧୋନୀ। ଧୋନୀ ଗୋଟିଏ ମ୍ୟାଚ ଖେଳି ବିଜୟୀ ହୋଇଥିଲେ।
