ଓଡ଼ିଶାଲାଇଭ୍ ବ୍ୟୁରୋ
ବିଶିଷ୍ଟ ଓଡ଼ିଆ ସାହିତ୍ୟିକ ବୀଣାପାଣି ମହାନ୍ତି ପାଇବେ ଅତିବଡ଼ୀ ପୁରସ୍କାର। ଓଡ଼ିଆ ସାହିତ୍ୟ ଏକାଡେମୀର ସର୍ବୋଚ୍ଚ ପୁରସ୍କାର ହେଉଛି ଅତିବଡ଼ୀ ଜଗନ୍ନାଥ ଦାସ ପୁରସ୍କାର। ଏହି ପୁରସ୍କାର ବୀଣାପାଣି ମହାନ୍ତିଙ୍କୁ ମିଳିବ ବୋଲି ଘୋଷଣା କରାଯାଇଛି।
ବୀଣାପାଣି ମହାନ୍ତି ଓଡ଼ିଶାର ଜଣେ ପ୍ରତିଷ୍ଠିତ ସାହିତ୍ୟିକା ଏବଂ ଓଡିଆ କଳ୍ପନା ଲେଖିକା। ଗଳ୍ପକାର ଭାବରେ ତାଙ୍କର ସାହିତ୍ୟିକ ଜୀବନ ୧୯୬୦ରେ ‘ଗୋଟିଏ ରାତିର କାହାଣୀ’ ପ୍ରକାଶନରୁ ଆରମ୍ଭ ହୋଇଥିଲା। ତାଙ୍କର କେତେକ ଜଣାଶୁଣା ଗଳ୍ପ ହେଉଛି ପାଟ ଦେଇ, ଖେଳ ଘର, ନଈକୁ ରାସ୍ତା, ବସ୍ତ୍ରହରଣ, କସ୍ତୁରୀ ମୁର୍ଗ ଓ ସବୁଜ ଅରଣ୍ୟ ଏବଂ ମିଛି ମିଛିକା।
ତାଙ୍କ ଲିଖିତ ‘ପାଟ ଦେଇ’ ଏବଂ ଅନ୍ୟାନ୍ୟ କାହାଣୀ’ ନାମକ କ୍ଷୁଦ୍ର ଗଳ୍ପ ୧୯୯୦ ମସିହାରେ ସାହିତ୍ୟ ଏକାଡେମୀ ପୁରସ୍କାର ଜିତି ଥିଲା। ୨୦୨୦ରେ ପଦ୍ମଶ୍ରୀ ପୁରସ୍କାର ପାଇଁ ମଧ୍ୟ ତାଙ୍କ ନାଁ ଘୋଷଣା କରାଯାଇଥିଲା।
ବୀଣାପାଣିଙ୍କର ଅନେକ କ୍ଷୁଦ୍ରଗଳ୍ପ ଇଂରାଜୀ, ହିନ୍ଦୀ, କନ୍ନଡ, ମାଲାୟାଲମ୍, ମରାଠୀ, ବଙ୍ଗାଳୀ, ଉର୍ଦ୍ଦୁ, ତେଲୁଗୁ ଏବଂ ରୁଷିଆନ ଭଳି ବିଭିନ୍ନ ଭାଷାରେ ଅନୁବାଦ କରାଯାଇଛି। “ଅନ୍ଧକାରର ଛାଇ” ତାଙ୍କର ଏକ କ୍ଷୁଦ୍ର ଚଳଚ୍ଚିତ୍ର ନିର୍ମିତ ହୋଇଥିଲା ଏବଂ ଦର୍ଶକମାନେ ଏହାକୁ ବହୁତ ପ୍ରଶଂସା କରିଥିଲେ।
