ଓଡ଼ିଶାଲାଇଭ୍ ବ୍ୟୁରୋ
ତ୍ୱଚାରେ ଠିକ୍ ଭାବେ ରକ୍ତ ସଞ୍ଚାଳନ ପାଇଁ ଫେସିଆଲ୍ ଅତ୍ୟନ୍ତ ଜରୁରୀ। ତେବେ ଫେସିଆଲ୍ କରୁଥିଲେ କିଛି ନିର୍ଦ୍ଦିଷ୍ଟ ନିୟମ ପାଳନ କରିବା ଆବଶ୍ୟକ। ଯାହାଦ୍ୱାରା ଆପଣ ଅଧିକ ଫାଇଦା ପାଇପାରିବେ।
-ଫେସିଆଲ୍ ସବୁବେଳେ କୌଣସି ଅଭିଜ୍ଞ ବିଉଟିସିଆନ୍ଙ୍କ ନିକଟରେ କରାନ୍ତୁ। ଫେସିଆଲ୍ ଶୈଳୀ ଜାଣିନଥିବା ଲୋକଙ୍କଠାରୁ ଏହା କରାଇଲେ ଆପଣ ଅସୁବିଧାରେ ପଡ଼ିବେ।
-ହାତରେ ଯଥେଷ୍ଟ ସମୟ ରଖି ବିଉଟିସିଆନ୍ଙ୍କ ପାଖକୁ ଯାଆନ୍ତୁ। ଯାହାଦ୍ୱାରା କି ସେ ଠିକ୍ ଭାବେ ଫେସିଆଲ୍ କରିପାରିବେ।
-ଅନେକ ସ୍ଥାନରେ ପାର୍ଲରଗୁଡ଼ିକରେ ମେସିନ୍ ସାହାଯ୍ୟରେ ବି ଫେସିଆଲ୍ କରାଯାଇଥାଏ। ଏହା ଅପେକ୍ଷା ହାତରେ ମସାଜ୍ କରୁଥିବା ବିଉଟିସିଆନ୍ଙ୍କ ପାର୍ଲରକୁ ଯାଆନ୍ତୁ। କାରଣ ହାତରେ ମସାଜ୍ କରିବା ଦ୍ୱାରା ଅଧିକ ରକ୍ତ ସଞ୍ଚାଳନ ହୋଇଥାଏ।
-ନାକରୁ ବ୍ଲାକହେଡ କାଢିବା ସମୟରେ ସବୁବେଳେ ଷ୍ଟିମ୍ ବା ବାମ୍ଫ ଦେବାକୁ କୁହନ୍ତୁ। ସେହିପରି ସାଙ୍ଗରେ ନିଜର ନୋଜ୍ ପିନ୍ ନେଇ ଯାଆନ୍ତୁ। ଯାହାଦ୍ୱାରାକି ସଂକ୍ରମଣର ଭୟ ରହିବ ନାହିଁ।
-ଫେସିଆଲ୍ ସରିବା ପରେ ବିଉଟିସିଆନ୍ଙ୍କୁ ସିରମ୍ ଲଗାଇ ଦେବାକୁ କୁହନ୍ତୁ। ତୁରନ୍ତ ଖରାରେ ବାହାରକୁ ବାହାରିପଡ଼ନ୍ତୁ ନାହିଁ। ଯଦି ବା ବାହାରକୁ ଯିବାର ଥାଏ ତା ହେଲେ ମୁହଁକୁ ଢାଙ୍କି ରଖନ୍ତୁ।
-ଫେସିଆଲ୍ର ଗୋଟିଏ ଦିନ ପର୍ଯ୍ୟନ୍ତ ମୁହଁରେ କୌଣସି କସ୍ମେଟିକ୍ ଉତ୍ପାଦ ବ୍ୟବହାର କରନ୍ତୁ ନାହିଁ। ଅନେକ ସ୍ଥଳରେ ଏହାଦ୍ୱାରା ଇନଫେକସନ ହୋଇଥାଏ।
-ସେହିପରି ନିଆଁ ପାଖକୁ ଯାଆନ୍ତୁ ନାହିଁ।
-ଫେସିଆଲ୍ର କିଛି ଦିନ ଯାଏ ସାବୁନ ବଦଳରେ ଫେସପ୍ୟାକ ବ୍ୟବହାର କରନ୍ତୁ। ତାହା ଚର୍ମକୁ ଝୁଲି ପଡ଼ିବାରୁ ରକ୍ଷା କରିଥାଏ।