ଓଡ଼ିଶାଲାଇଭ୍ ବ୍ୟୁରୋ
ଦିଲ୍ଲୀସ୍ଥିତ ଏମ୍ସ ହସ୍ପିଟାଲରେ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନେଇଛନ୍ତି କରୋନା ଟିକା। ସେ କରୋନାର ପ୍ରଥମ ଡୋଜ୍ ଟିକା ନେଇଥିବା କହି, ନିଜ ଟୁଇଟର ମାଧ୍ୟମରେ ଜଣାଇଛନ୍ତି। ଟିକା ନେବାପରେ ସମସ୍ତ ଡାକ୍ତର ଓ ବୈଜ୍ଞାନିକଙ୍କୁ ଧନ୍ୟବାଦ ଜଣାଇଛନ୍ତି ମୋଦି। ସେ କହିଛନ୍ତି, ଏମାନଙ୍କ ଉଦ୍ୟମ ପାଇଁ ଆଜି ଦେଶ କରୋନା ବିରୋଧୀ ଲଢ଼େଇରେ ଜିତି ପାରିଛି। ଏଥିସହ ସମସ୍ତ ଯୋଗ୍ୟ ବ୍ୟକ୍ତି ଟିକା ନେବାକୁ ପ୍ରଧାନମନ୍ତ୍ରୀ ନିବେଦନ କରିଛନ୍ତି।
Took my first dose of the COVID-19 vaccine at AIIMS.
Remarkable how our doctors and scientists have worked in quick time to strengthen the global fight against COVID-19.
I appeal to all those who are eligible to take the vaccine. Together, let us make India COVID-19 free! pic.twitter.com/5z5cvAoMrv
— Narendra Modi (@narendramodi) March 1, 2021
ଅନ୍ୟପକ୍ଷରେ ଆଜିଠାରୁ ଉଭୟ ଘରୋଇ ଓ ସରକାରୀ ହସ୍ପିଟାଲରେ ବୟସ୍କଙ୍କୁ ଟିକାକରଣ କରାଯାଉଛି। ଇଚ୍ଛୁକ ବ୍ୟକ୍ତି କୋୱିନ-୨ ପୋର୍ଟାଲରେ ପଞ୍ଜୀକରଣ କରି ଟିକା ନେଇପାରିବେ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଥିଲା। ଦେଶବ୍ୟାପୀ କରୋନା ଟୀକାକରଣ ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଯାଇଛି। ପ୍ରଥମ ପର୍ଯ୍ୟାୟ ଟିକାକରଣ ଜାନୁଆରୀ ୧୬ରେ ଆରମ୍ଭ ହୋଇଥିଲା।
ସମସ୍ତ ୬୦ ବର୍ଷରୁ ଉର୍ଦ୍ଧ୍ୱ ବୟସ୍କ ଓ ୪୫ ବର୍ଷରୁ ୬୦ ବର୍ଷ ବୟସ୍କଙ୍କଠାରେ ଥିବା ଶାରିରୀକ ସମସ୍ୟା ବ୍ୟକ୍ତିମାନେ ଦ୍ୱିତୀୟ ପର୍ଯ୍ୟାୟରେ କରୋନା ଟିକା ନେଇପାରିବେ।