ଓଡ଼ିଶା ବଜେଟ ୨୦୨୨-୨୩ର ହାଇଲାଇଟ୍‌ସ

July 2, 2022

ଓଡ଼ିଶାଲାଇଭ୍ ବ୍ୟୁରୋ

୨୦୨୨-୨୩ ଆର୍ଥିକ ବର୍ଷ ପାଇଁ ଶନିବାର ଅପରାହ୍‌ଣରେ ପୂର୍ଣ୍ଣାଙ୍ଗ ବଜେଟ ଉପସ୍ଥାପନା କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ। ପ୍ରଥମଥର ଲାଗି ରାଜ୍ୟର ବଜେଟ ଅଟକଳ ୨ ଲକ୍ଷ କୋଟି ଟଙ୍କା ହୋଇଛି, ଯାହାକି ଗତ ଆର୍ଥିକ ବର୍ଷ ତୁଳନାରେ ୧୭.୬ ପ୍ରତିଶତ ଅଧିକ। ପୂର୍ବ ବର୍ଷମାନଙ୍କ ଭଳି ଚଳିତ ଆର୍ଥିକ ବର୍ଷରେ ମଧ୍ୟ ରାଜ୍ୟ ବଜେଟକୁ କୃଷି ବଜେଟ ଓ ସାଧାରଣ ବଜେଟ ଏହିପରି ଦୁଇଟି ଭାଗରେ ବିଭକ୍ତ କରାଯାଇଛି।

ଆସନ୍ତୁ ଜାଣିବା ଚଳିତ ବଜେଟର କିଛି ହାଇଲାଇଟ୍‌ସ –

ଚଳିତ ବଜେଟର ମୋଟ ପରିମାଣ ରହିଛି ୨ ଲକ୍ଷ କୋଟି ଟଙ୍କା, ଯାହା ରାଜ୍ୟରେ ପ୍ରଥମ
ଚଳିତ ବଜେଟରେ କୃଷି ଓ ଆନୁସଙ୍ଗିକ କାର୍ଯ୍ୟକ୍ରମ ପାଇଁ ୨୧,୧୬୬ କୋଟି ଟଙ୍କାର ବ୍ୟୟବରାଦ ରଖାଯାଇଛି
ବଜେଟରେ ସ୍ଵାସ୍ଥ୍ୟସେବା କ୍ଷେତ୍ର ପାଇଁ ମୋଟ ୧୨,୬୨୪ କୋଟି ଟଙ୍କାର ବ୍ୟୟବରାଦ ରଖିଛନ୍ତି ସରକାର
ଶିକ୍ଷା ବ୍ୟବସ୍ଥା ଓ ଦକ୍ଷତା ବିକାଶର ରୂପାନ୍ତରୀକରଣ ଲାଗି ୨୭,୩୨୪ କୋଟି ଟଙ୍କାର ବ୍ୟୟବରାଦ ରହିଛି
୨୦୨୨-୨୩ ଆର୍ଥିକ ବର୍ଷରେ ରାଜ୍ୟରେ ପୁଞ୍ଜି ବିନିଯୋଗ ଲାଗି ମୋଟ ୩୮,୭୩୨ କୋଟି ଟଙ୍କାର ବ୍ୟୟବରାଦ ରଖାଯାଇଛି
ପର୍ଯ୍ୟଟନ କ୍ଷେତ୍ର ଲାଗି ଏଥର ୫୯୦ କୋଟି ଟଙ୍କାର ବ୍ୟୟବରାଦ ରଖିଛନ୍ତି ସରକାର
ରାଜ୍ୟରେ କ୍ରୀଡ଼ା ଏବଂ ଯୁବ ସେବା କ୍ଷେତ୍ର ଲାଗି ଚଳିତ ଆର୍ଥିକ ବର୍ଷରେ ମୋଟ ୯୧୧ କୋଟି ଟଙ୍କାର ବ୍ୟୟବରାଦ ରହିଛି
ବସୁଧା ଯୋଜନା ଅଧୀନରେ ଗ୍ରାମୀଣ ଓ ସହରୀ ଜଳ ଯୋଗାଣ ପାଇଁ ୨,୩୯୮ କୋଟି ଟଙ୍କାର ବ୍ୟୟବରାଦ କରାଯାଇଛି
ପ୍ରଧାନମନ୍ତ୍ରୀ ଆବାସ ଯୋଜନା-ଗ୍ରାମୀଣ ଓ ବିଜୁ ପକ୍କାଘର ଯୋଜନାର ସମନ୍ଵୟ ମାଧ୍ୟମରେ ପକ୍କାଘର ନିର୍ମାଣ ପାଇଁ ଚଳିତ ବଜେଟରେ ୫,୯୦୬ କୋଟିର ବ୍ୟୟବରାଦ ରହିଛି
୨୦୨୨-୨୩ ଆର୍ଥିକ ବର୍ଷରେ ମିଶନ ଶକ୍ତି କାର୍ଯ୍ୟକ୍ରମ ଅଧୀନରେ ୨୦୦୦ କୋଟି ଟଙ୍କା ବ୍ୟୟବରାଦ କରାଯାଇଛି
କିଲୋ ପ୍ରତି ୧ ଟଙ୍କା ହିସାବରେ ଚାଉଳ ଯୋଗାଇଦେବା ଲାଗି ଚଳିତ ବଜେଟରେ ସର୍ବମୋଟ ୧,୦୨୩ କୋଟି ଟଙ୍କା ବ୍ୟୟବରାଦ ରହିଛି
ରାଜ୍ୟରେ ନିର୍ଭରଯୋଗ୍ୟ ବିଦ୍ୟୁତ ଯୋଗାଣ ଲାଗି ୩,୪୮୨ କୋଟି ଟଙ୍କାର ଆବଣ୍ଟନ ପ୍ରସ୍ତାବ ରହିଛି
ହସ୍ତତନ୍ତ, ହସ୍ତଶିଳ୍ପ, ସେରିକଲଚର ଏବଂ ବୟନଶିଳ୍ପ କ୍ଷେତ୍ର ପାଇଁ ୨୦୩ କୋଟି ଟଙ୍କାର ବ୍ୟୟବରାଦ କରାଯାଇଛି
ଖଣି କ୍ଷେତ୍ର ପାଇଁ ୧୮୩ ଜକୋଟି ଟଙ୍କା ଆବଣ୍ଟନ କରାଯାଇଛି। ଏଥିମଧ୍ୟରେ ଆଇଥ୍ରୀଏମଏସ (i3MS) ପାଇଁ ୫୦ କୋଟି ଟଙ୍କା ଏବଂ ଖଣିଜ ଅନୁସନ୍ଧାନ ଏବଂ ନିଲାମ ପାଇଁ ୩୮ କୋଟି ଟଙ୍କା ଅନ୍ତର୍ଭୁକ୍ତ।
ଇଲେକଟ୍ରୋନିକ୍ସ ଓ ପ୍ରଯୁକ୍ତିବିଦ୍ୟା କ୍ଷେତ୍ର ଲାଗି ୩୦୨ କୋଟି ଟଙ୍କା ବ୍ୟୟବରାଦ ରହିଛି
ବିପର୍ଯ୍ୟୟ ପରିଚାଳନା ଲାଗି ୩,୨୬୨ କୋଟି ଟଙ୍କାର ବ୍ୟୟବରାଦ କରାଯାଇଛି
ଯୋଜନା ଓ ସମନ୍ଵୟ ବିଭାଗ ପାଇଁ ୩,୦୩୫ କୋଟି ଟଙ୍କାର ବ୍ୟୟବରାଦ ରହିଛି
ଓଡ଼ିଶା ଭାଷା, ସଂସ୍କୃତି ଓ ଐତିହ୍ୟକୁ ପ୍ରୋତ୍ସାହିତ କରିବା ଲାଗିଚଳିତ ବଜେଟରେ ୧୬୯ କୋଟି ଟଙ୍କା ପ୍ରଦାନ କରାଯାଇଛି