ଓଡ଼ିଶାଲାଇଭ୍ ବ୍ୟୁରୋ
ରବିବାର ତୃତୀୟ ଟି-୨୦କୁ ଜିତିବା ସହ ବାଂଲାଦେଶ ବିପକ୍ଷ ଟି-୨୦ ସିରିଜକୁ କବଜା କରିଛି ଟିମ୍ ଇଣ୍ଡିଆ। ଭାରତ ଏହି ସିରିଜକୁ ୨-୧ରେ ଜିତିନେଇଛି। ନାଗପୁରରେ ଖେଳାଯାଇଥିବା ଏହି ତୃତୀୟ ଟି-୨୦ରେ ଭାରତୀୟ ଦଳର ଖେଳାଳିମାନେ ଅନେକ ରେକର୍ଡ କରି ସିରିଜ୍ କବ୍ଜା କରିଛନ୍ତି।
ରବିବାର ମ୍ୟାଚ୍ରେ ଟିମ୍ ଇଣ୍ଡିଆର ଦୀପକ ଚହର ପ୍ରଥମ ଭାରତୀୟ ବୋଲର ଭାବେ ଅନ୍ତର୍ଜାତୀୟ ଟି-୨୦ରେ ହାଟ୍ରିକ୍ ୱିକେଟ୍ ନେଇଛନ୍ତି। ଏହା ପୂର୍ବରୁ କୌଣସି ଭାରତୀୟ ବୋଲର ଅନ୍ତର୍ଜାତୀୟ ଟି-୨୦ ମ୍ୟାଚରେ ହାଟ୍ରିକ ନେଇ ନଥିଲେ।
ସେହିପରି ଏହି ମ୍ୟାଚରେ ଚହର ୩.୨ ଓଭରରେ ମାତ୍ର ୭ ରନ୍ ଦେଇ ମୋଟ୍ ୬ଟି ୱିକେଟ୍ ନେଇଛନ୍ତି। ଅନ୍ତର୍ଜାତୀୟ କ୍ରିକେଟରେ ଏହା ସବୁଠାରୁ କଞ୍ଜୁସ୍ ବୋଲିଂର ରେକର୍ଡ। ଏହା ପୂର୍ବରୁ ଏତେ କମ୍ ରନ୍ ଦେଇ କୌଣସି ବୋଲର ଏତେ ୱିକେଟ୍ ନେଇନାହାନ୍ତି।
ବାଂଲାଦେଶ ବିପକ୍ଷ ତୃତୀୟ ଟି-୨୦ରେ ଭାରତୀୟ ଖେଳାଳି ଶିଭମ ଦୁବେ ନିଜ କ୍ୟାରିଅରର ପ୍ରଥମ ୱିକେଟ୍ ନେଇଥିଲେ। ଏହି ମ୍ୟାଚରେ ସେ ମୋଟ୍ ୩ଟି ୱିକେଟ୍ ପାଇଥିଲେ।