ଓଡ଼ିଶାଲାଇଭ୍ ବ୍ୟୁରୋ
ଆଜିଠାରୁ ଆରମ୍ଭ ହେଉଛି ରମଜାନ ମାସ। ଇସଲାମରେ ରମଜାନ ମାସ ଅତ୍ୟନ୍ତ ଗୁରୁତ୍ଵପୂର୍ଣ୍ଣ ମାସ। ଏହି ପୂରା ମାସଟି ମୁସଲମାନ ସମ୍ପ୍ରଦାୟର ଲୋକମାନଙ୍କ ଦ୍ୱାରା ଉପବାସ କରାଯାଏ। ହିଜ୍ରି କ୍ୟାଲେଣ୍ଡର ଅନୁଯାୟୀ ନବମ ମାସ ହେଉଛି ରମଜାନ। ଇସଲାମିକ ସମ୍ପ୍ରାଦାୟର ବିଶ୍ଵାସ ଅନୁଯାୟୀ, ଏହି ମାସରେ ଉପବାସ କରୁଥିବା ଲୋକମାନେ ଆଶୀର୍ବାଦ ପ୍ରାପ୍ତି ହୁଅନ୍ତି।
ରମଜାନର ଇତିହାସ
ରମଜାନର ଇତିହାସ କ’ଣ? ଏହା କେବେ ଆରମ୍ଭ ହେଲା? ଆସନ୍ତୁ ଜାଣିବା ଏହି ପ୍ରଶ୍ନଗୁଡ଼ିକର ଉତ୍ତର। ଇସଲାମିକ ବିଶ୍ଵାସ ଅନୁଯାୟୀ, ୬୧୦ ଖ୍ରୀଷ୍ଟାବ୍ଦରେ ଭବିଷ୍ୟବକ୍ତା ମହମ୍ମଦ ସାହାବଙ୍କ ଦ୍ଵାରା ଲୟଲତ-ଉଲ-କାଦର ଅବସରରେ ପବିତ୍ର କୋରାନ ପ୍ରକାଶ ପାଇଥିଲା। ସେବେଠାରୁ ଇସଲାମରେ ରମଜାନ ମାସ ପାକ ମାସ ଭାବରେ ପାଳନ କରାଯାଏ। ରମଜାନ କୋରାନରେ ମଧ୍ୟ ଉଲ୍ଲେଖ କରାଯାଇଛି। କୋରାନରେ ଉଲ୍ଲେଖ ଅଛି ଯେ ରମଜାନ ମାସରେ ଆହ୍ଲା ମହମ୍ମଦଙ୍କୁ ତାଙ୍କ ଦୂତ ଭାବରେ ବାଛିଛନ୍ତି। ତେଣୁ ମୁସଲମାନମାନଙ୍କ ପାଇଁ ରମଜାନ ମାସ ପାକ ମାସ ଅଟେ।
ଇସଲାମରେ ରମଜାନର ଗୁରୁତ୍ୱ
ଇସଲାମିକ ବିଶ୍ୱାସ ଅନୁଯାୟୀ, କୁହାଯାଏ ଯେ ରମଜାନ ମାସରେ ଉପବାସ କରିବା କେବଳ ଭୋକିଲା ଏବଂ ଶୋଷିଲା ରହିବା ନୁହେଁ ବରଂ ଏହାର ଅର୍ଥ ହେଉଛି ତୁମର ବିଶ୍ୱାସ ବଜାୟ ରଖିବା। ମନକୁ ଆସୁଥିବା ଖରାପ ଚିନ୍ତାଧାରାକୁ ତ୍ୟାଗ କରିବା ଏହି ଉପବାସର ଅର୍ଥ ହେଉଛି ପାପ କାମଠାରୁ ଦୂରେଇ ରହିବା।
ତେଣୁ ରମଜାନରେ ଉପବାସ କରୁଥିବା ବ୍ୟକ୍ତିଙ୍କୁ ନିଜର ବିଶ୍ୱାସକୁ ପ୍ରାଧାନ୍ୟ ଦେବାକୁ ପଡ଼ିବ। ଏହି ସମୟରେ, ଉପବାସ କରୁଥିବା ବ୍ୟକ୍ତି କାହା ବିଷୟରେ ଖରାପ କଥା କହିବା ଉଚିତ୍ ନୁହେଁ। ଏହି ସମୟ ମଧ୍ୟରେ ଉପବାସ କରୁଥିବା ବ୍ୟକ୍ତି ମିଛ କହିବା ଉଚିତ୍ ନୁହେଁ କିମ୍ବା ମିଥ୍ୟା ପ୍ରତିଶୃତି ମଧ୍ୟ ଦେବା ଉଚିତ୍ ନୁହେଁ ବୋଲି ବିଶ୍ଵାସ କରାଯାଏ।
