ଓଡ଼ିଶାଲାଇଭ୍ ବ୍ୟୁରୋ
କରୋନା ସଂକ୍ରମଣ ଯୋଗୁଁ ରାଜ୍ୟରେ ସଭାସମିତି ବନ୍ଦ। ତେଣୁ ସବୁ ପ୍ରକାର ସଙ୍ଗୀତ, ନୃତ୍ୟର ଉତ୍ସବ ମଧ୍ୟ ବନ୍ଦ ହୋଇଯାଇଛି। ଏହି ସମୟରେ କଳାର ଧାରାକୁ ଜାରି ରଖିବା ପାଇଁ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନରେ ଥିବା ଓଡ଼ିଶା ସଙ୍ଗୀତ ନାଟକ ଏକାଡେମୀ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ରେକର୍ଡ କରାଯାଇ ଟେଲିଭିଜନ ଓ ଡିଜିଟାଲ୍ ମିଡିଆରେ ପ୍ରସାରଣ କରାଯାଉଛି।
ଓଡିଶା ସଙ୍ଗୀତ ନାଟକ ଏକାଡେମୀ ପକ୍ଷରୁ ପ୍ରସ୍ତୁତ ଏହି ନୃତ୍ୟ ଓ ସଙ୍ଗୀତର କାର୍ଯ୍ୟକ୍ରମକୁ ଦେଶବିଦେଶର ଦର୍ଶକମାନଙ୍କ ପାଖରେ ପହଞ୍ଚାଇବା ପାଇଁ ଓଡ଼ିଶାଲାଇଭର ଫେସବୁକ, ୟୁଟ୍ୟୁବ ଆଦି ସୋସିଆଲ୍ ଚ୍ୟାନେଲରେ ପ୍ରସାରଣ କରାଯାଉଛି।
