ଓଡିଶାଲାଇଭ୍ ବ୍ୟୁରୋ
ଦକ୍ଷିଣ ଭାରତୀୟ ଫିଲ୍ମ ଜଗତରେ ବେଶ୍ ଜଣାଶୁଣା ଚେହେରା ହେଲେ ଧନୁଷ। ଚମତ୍କାର ଅଭିନୟ ସାଙ୍ଗକୁ ଦମ୍ଦାର ଆକ୍ସନ ପାଇଁ ଦର୍ଶକମାନେ ତାଙ୍କୁ ଖୁବ ପସନ୍ଦ କରନ୍ତି। ତାଙ୍କର କେତୋଟି ସୁପରହିଟ୍ ଫିଲ୍ମ ହିନ୍ଦୀରେ ମଧ୍ୟ ଡବିଂ ହୋଇଛି। ଜାଣନ୍ତୁ ସେମିତି କିଛି ଫିଲ୍ମ ବିଷୟରେ..
ଏହି ଫିଲ୍ମ ଆପଣ ୟୁଟ୍ୟୁବ କିମ୍ବା ଗୁଗୁଲରେ ପାଇପାରିବେ। ଯାହାକି ବିଲକୁଲ୍ ମାଗଣାରେ ଉପଲବ୍ଧ ଅଛି।
ରାନଝଣା
ଧନୁଷଙ୍କ ଏହି ଫିଲ୍ମଟି ଏକ ଚତ୍ମକାର ପ୍ରେମ କାହାଣୀକୁ ନେଇ ନିର୍ମାଣ ହୋଇଛି। ଏଥିରେ ତାଙ୍କ ବିପକ୍ଷରେ ନାୟିକା ସାଜିଛନ୍ତି ସୋନମ କପୁର। ୨୦୧୩ ମସିହାରେ ରିଲିଜ୍ ହୋଇଥିବା ବଲିଉଡ୍ ଫିଲ୍ମରେ ଆପଣ ଧନୁଷଙ୍କୁ ଜଣେ ବନାରସୀ ଯୁବକ ଭାବେ ଦେଖିବାକୁ ପାଇବେ। ଯିଏ କି ବ୍ରାହ୍ମଣ ହୋଇ ଜଣେ ମୁସଲିମ୍ ଝିଅର ପ୍ରେମରେ ପଡ଼ିଯାଉଛି। ଆନନ୍ଦ ରାଏଙ୍କ ଏହି ଫିଲ୍ମ ଯୁବପିଢ଼ିଙ୍କୁ ବେଶ ପସନ୍ଦ ଆସିଥିଲା।
୩
ଏକ କଲେଜ ଜୀବନର ପ୍ରେମ କାହାଣୀକୁ ନେଇ ନିର୍ମାଣ ହୋଇଥିବା ଏହି ଫିଲ୍ମରେ ଧନୁଷଙ୍କୁ ଆପଣ ଜଣେ ଛୋଟ ପିଲାଙ୍କ ଭଳି ଦେଖିବାକୁ ପାଇବେ। ଏହି ଫିଲ୍ମରେ ତାଙ୍କ ସହ ଶ୍ରୁତି ହାସନଙ୍କୁ ଦେଖିବାକୁ ମିଳିବ। ଏହି ଫିଲ୍ମର ‘କୋଲାଭରି ଡି’ ଗୀତ ସେ ସମୟରେ ଅନେକ ଚର୍ଚ୍ଚାରେ ରହିଥିଲା।
ଫିର୍ ଆୟା ଦିୱାନା
ତାମିଲ ଭାଷାରେ ନିର୍ମାଣ ହୋଇଥିବା ଏହି ଫିଲ୍ମ ଆପଣ ହିନ୍ଦୀ ଡବିଂରେ ମଧ୍ୟ ପାଇପାରିବେ। ପ୍ରେମ କାହାଣୀକୁ ନେଇ ନିର୍ମାଣ ହୋଇଥିବା ଏହି ଫିଲ୍ମରେ ତାଙ୍କ ସହିତ ନୟନ୍ତରା ନଜର ଆସିବେ। ଏହି ଫିଲ୍ମଟି ଆପଣଙ୍କୁ ୟୁଟ୍ୟୁବରେ ମଧ୍ୟ ମିଳିପାରିବ।
ମାରି
ଧନୁଷଙ୍କ ସବୁଠୁ ଅଧିକ ଚର୍ଚ୍ଚିତ ଫିଲ୍ମ ରହିଥିଲା ମାରି। ଏହାର ଦୁଇଟି ପାର୍ଟ ବର୍ତ୍ତମାନ ଆପଣ ୟୁଟ୍ୟୁବରେ ପାଇପାରିବେ। ମୂଳ ତାମିଲ ଭାଷାରେ ନିର୍ମିତ ହୋଇଥିବା ଏହି ଫିଲ୍ମ ହିନ୍ଦୀ ଭାଷାରେ ଆପଣଙ୍କୁ ମିଳିପାରିବ। ଏହି ଦୁଇ ଫିଲ୍ମରେ ଧନୁଷଙ୍କୁ ରାଓଡି ଭୂମିକାରେ ଦେଖିବାକୁ ପାଇବେ।
