ଓଡ଼ିଶାଲାଇଭ୍ ବ୍ୟୁରୋ
“ମିସେସ୍ ଇଣ୍ଡିଆ ୱାନ୍ ଇନ୍ ମିଲିୟନ୍-ଓଡ଼ିଶା ୨୦୨୧” ଟାଇଟଲ୍ ହାସଲ କରିଛନ୍ତି ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ସମ୍ ନର୍ସିଂ କଲେଜର ଆସିଷ୍ଟାଣ୍ଟ ପ୍ରଫେସର ମନୀଷା ପ୍ରହରାଜ। ଓଡ଼ିଶାରୁ ପ୍ରତିନିଧିତ୍ୱ କରୁଥିବା ଏକମାତ୍ର ପ୍ରତିଯୋଗୀ ମନୀଷା ଏହି ସଫଳତା ସାଉଁଟିଛନ୍ତି।
ନୂଆଦିଲ୍ଲୀର ଏକ ତାରକା ହୋଟେଲ୍ରେ ଚାରି ଦିନ ବ୍ୟାପୀ ଚାଲିଥିବା ଜାତୀୟସ୍ତରୀୟ ଏହି ସୁନ୍ଦରୀ ପ୍ରତିଯୋଗିତାରେ ବିଭିନ୍ନ ରାଜ୍ୟରୁ ପ୍ରାୟ ୭୦ ଜଣ ପ୍ରତିଯୋଗୀ ଭାଗ ନେଇଥିଲେ। ଗତ ଡିସେମ୍ବର ୨୪ ତାରିଖ ଦିନ ଏହାର ଗ୍ରାଣ୍ଡ ଫିନାଲେ ଅନୁଷ୍ଠିତ ହୋଇଥିଲା ବେଳେ ଶ୍ରେଷ୍ଠ ୮ ଜଣ ପ୍ରତିଯୋଗୀ ଫାଇନାଲ୍ ରାଉଣ୍ଡକୁ ମନୋନୀତ ହୋଇଥିଲେ।
ଏହି ଅବସରରେ ମନୀଷା ପ୍ରହରାଜ ଏହି ୮ ଜଣଙ୍କ ମଧ୍ୟରେ ରହିଥିବା ବେଳେ “ମିସେସ୍ ଇଣ୍ଡିଆ ୱାନ୍ ଇନ୍ ମିଲିୟନ୍-ଓଡ଼ିଶା ୨୦୨୧” ଟାଇଟଲ୍ ହାସଲ କରି ସୋଆ ପାଇଁ ଗୌରବ ଅର୍ଜନ କରିଛନ୍ତି।
ସେହିପରି ସୋଆ ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍ଚରାଲ୍ ସାଇନ୍ସେସ୍ର ବିଏସ୍ସି (ଏଗ୍ରିକଲ୍ଚର) ବିଭାଗର ତୃତୀୟ ବର୍ଷର ଛାତ୍ର ଅସିତ କୁମାର ସାମଲ୍ ଭୁବନେଶ୍ୱରଠାରେ ଅନୁଷ୍ଠିତ ହୋଇଥିବା “ମିସ୍ ଆଣ୍ଡ ମିଷ୍ଟର ଓଡିଶା ୨୦୨୧” ରେ ମିଷ୍ଟର ଓଡ଼ିଶା ଟାଇଟଲ୍ ହାସଲ କରିଛନ୍ତି।
ଗତ ଜାନୁଆରି ୨୦୨୧ରୁ ଏହି ପ୍ରତିଯୋଗିତା ଆରମ୍ଭ କରାଯାଇଥିôବା ବେଳେ ଓଡ଼ିଶାର ୧୨ଟି ଜିଲ୍ଲାରେ ଅଡିସନ୍ କରାଯାଇଥିଲା । ଗତ ମାର୍ଚ୍ଚ ମାସରେ ଏହାର ସେମିଫାଇନାଲ୍ ରାଉଣ୍ଡ ଅନ୍ଲାଇନ୍ରେ କରାଯାଇଥିବା ବେଳେ ଗତ ଡିସେମ୍ବର ୨୫ ତାରିଖରେ ଭୁବନେଶ୍ୱରଠାରେ ଏହାର ଗ୍ରାଣ୍ଡ ଫିନାଲେ ଆୟୋଜନ କରାଯାଇଥିଲା।
ଏହି ପ୍ରକ୍ରିୟାରେ ୨୪ ଜଣ ପୁଅ ଓ ଝିଅ ଫାଇନାଲକୁ ଉନ୍ନୀତ ହୋଇଥିଲେ। ଫାଇନାଲରେ ମିଷ୍ଟର୍ ଓଡିଶାର ଟାଇଟଲ୍ ଜିତିଥିଲେ ଅସିତ୍ । ଏହି କାର୍ଯ୍ୟକ୍ରମରେ ଅତିଥି ତଥା ବିଚାରକ ଭାବେ ବିଗ୍ରେଡିୟର ବି. ପି. ପଟ୍ଟନାୟକ, ସିନେ ଅଭିନେତ୍ରୀ ତମ୍ମନା ବ୍ୟାସ, ଅଭିନେତା ପୁଷ୍ପକ, ସମାଜସେବୀ ରାକେଶ କୁମାର ସାହୁ, ସସ୍ମିତା ଦାସ ଓ ଇକୋ ପ୍ଲାଜାର ଅଧ୍ୟକ୍ଷ ସ୍ମୃତି ଶ୍ୱେତା ଦାସ ଯୋଗ ଦେଇ ବିଜେତା ଚୟନ କରିଥିଲେ। ଆୟୋଜକଙ୍କ ପକ୍ଷରୁ ଏହି କାର୍ଯ୍ୟକ୍ରମ ପ୍ରତିବର୍ଷ ହେବ ବୋଲି ସୂଚନା ଦିଆଯାଇଛି।
 ପରିଚାଳିତ ସମ୍ ନର୍ସିଂ କଲେଜର ଆସିଷ୍ଟାଣ୍ଟ ପ୍ରଫେସର ମନୀଷା ପ୍ରହରାଜ।){kind=link}