ଓଡ଼ିଶାଲାଇଭ୍ ବ୍ୟୁରୋ
ଆଜିଠୁ ୨ ଦିନ ପାଇଁ ରୁଷିଆ ଗସ୍ତ କରିଛନ୍ତି ଭାରତର ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର । ଅନେକ ଦିଗରୁ ତାଙ୍କର ଏହି ଗସ୍ତ ଗୁରୁତ୍ଵପୂର୍ଣ୍ଣ ଅଟେ। ଜୟଶଙ୍କର ତାଙ୍କର ଏହି ୨ ଦିନିଆ ଗସ୍ତ ସମୟରେ ନିଜ ରୁଷିଆ ପ୍ରତିପକ୍ଷ ବୈଦେଶିକ ମନ୍ତ୍ରୀ ସରଗେୟ ଲାବରୋଭଙ୍କ ସହ ଦ୍ଵିପାକ୍ଷିକ ସମ୍ପର୍କ ନେଇ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଏଠାରେ ସେ ଭାରତ- ରୁଷ ଅନ୍ତର୍ଦ୍ଦେଶୀୟ ବାଣିଜ୍ୟ, ସାଂସ୍କୃତିକ ଓ ବୈଜ୍ଞାନିକ ପରିଷଦର ବୈଠକରେ ଯୋଗଦେବେ।
#WATCH | EAM Dr S Jaishankar arrives in Moscow, Russia to meet with his Russian counterpart here today.
Jaishankar had last visited Russia in July 2021 followed by the visit of the Russian Foreign Minister to New Delhi in April 2022. pic.twitter.com/g8f52BiyFB
— ANI (@ANI) November 7, 2022
ସବୁଠାରୁ ଗୁରୁତ୍ଵପୂର୍ଣ୍ଣ ବିଷୟ ହେଉଛି ସେ ରୁଷିଆ-ୟୁକ୍ରେନ୍ ଯୁଦ୍ଧ ଯୋଗୁଁ ସୃଷ୍ଟି ହୋଇଥିବା ପରିସ୍ଥିତି ବାବଦରେ ଆଲୋଚନା କରିପାରନ୍ତି ବୋଲି ଜଣାପଡ଼ିଛି।
ରୁଷିଆ-ୟୁକ୍ରେନ ଯୁଦ୍ଧରେ ଭାରତ ନିରପେକ୍ଷତା ନୀତି ଅବଲମ୍ବନ କରିଆସୁଛି। ତେବେ ଦ୍ଵିପାକ୍ଷିକ କଥାବାର୍ତ୍ତା ମାଧ୍ୟମରେ ସମସ୍ୟା ସମାଧାନ ପାଇଁ ଆହ୍ଵାନ ଦେଇ ଆସୁଛନ୍ତି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପୂର୍ବରୁ ସେ ରୁଷିଆ-ୟୁକ୍ରେନ୍ ଯୁଦ୍ଧ ବନ୍ଦ କରିବା ପାଇଁ ମଧ୍ୟସ୍ଥତା କରିବା ନେଇ ଦୁଇ ଦେଶ ନିକଟକୁ ପ୍ରସ୍ତାବ ପଠାଇଛନ୍ତି।
ଜୟଶଙ୍କରଙ୍କ ଏହି ଗସ୍ତ ସମୟରେ ଏ ବାବଦରେ କ’ଣ ଆଲୋଚନା କରିବେ ତାକୁ ନେଇ ସମଗ୍ର ବିଶ୍ଵ ସମୁଦାୟ ଅବଲୋକନ କରୁଛନ୍ତି । ଭାରତ ରୁଷିଆ-ୟୁକ୍ରେନ୍ ଯୁଦ୍ଧ ସମାପ୍ତି ଦିଗରେ ଏକ ବଡ଼ ଭୂମିକା ତୁଲାଇପାରିବ ବୋଲି ସମସ୍ତେ ଆଶା କରିଛନ୍ତି।
Tags: #SJaishankar #MinistryOfExternalAffairs #Russia #TwoDayVisit # #RussiaUkrainWar #Odisha
