ଓଡ଼ିଶାଲାଇଭ ବ୍ୟୁରୋ
କଶ୍ମୀରରୁ ଆତଙ୍କବାଦୀଙ୍କୁ ଦମନ କରିବାକୁ ଅଣ୍ଟା ଭିଡ଼ିଛି ସେନା ଓ ଜମ୍ମୁ କଶ୍ମୀର ପୋଲିସ। ଏଥିପାଇଁ କିସ୍ତଓ୍ଵର ଜିଲ୍ଲା ପୋଲିସ ହିଜୁବୁଲ୍ଲ ମୁଜାହିଦ୍ଦିନର ୩ ଆତଙ୍କବାଦୀଙ୍କ ମୁଣ୍ଡ ପାଇଁ ପୁରସ୍କାର ଘୋଷଣା କରିଛି। ଏହି ୩ ଆତଙ୍କବାଦୀ ହେଲେ ମହମ୍ମଦ ଅମିନ, ରିୟାଜ ଅହମ୍ମଦ ଓ ମୁଦ୍ଦାସିର ହୁସେନ।
ହିଜବୁଲ ମୁଜାହିଦ୍ଦିନ କମାଣ୍ଡର ମହମ୍ମଦ ଅମିନ ଉପରେ ୧୫ଲକ୍ଷ ଟଙ୍କା ଓ ତା’ର ଦୁଇ ସହଯୋଗୀ ରିୟାଜ ଅହମ୍ମଦ ଓ ମୁଦ୍ଦାସିନ ହୁସେନ ଉପରେ ୧୫ ଲକ୍ଷ ଟଙ୍କା ପୁରସ୍କାର ଘୋଷଣା କରିଛି ଜମ୍ମୁ କଶ୍ମୀର ପୋଲିସ।
ଏମାନଙ୍କ ବିଷୟରେ ଯିଏ ସୂଚନା ଦେବ ତାଙ୍କ ନାଁ ଗୋପନ ରଖାଯିବା ସହ ତାଙ୍କୁ ୩୦ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯିବ ବୋଲି ଘୋଷଣା କରାଯାଇଛି। ଏହାସହ ୩ଜଣଙ୍କ ଫୋଟ ମଧ୍ୟ ଜାରି କରାଯାଇ ମୋଷ୍ଟ ଓ୍ଵାଣ୍ଟେଡ ଲେଖାଯାଇଛି।
