ଓଡ଼ିଶାଲାଇଭ୍ ବ୍ୟୁରୋ
ନୂଆବର୍ଷକୁ ଆଉ କିଛି ଘଣ୍ଟା ବାକି ଅଛି। ଏହାପରେ ଆରମ୍ଭ ହୋଇଯିବ ଏକ ନୂଆ ଦଶକ। ଦୁନିଆର ଲୋକେ ୨୦୨୦କୁ ସ୍ୱାଗତ କରିବା ପାଇଁ ପ୍ରସ୍ତୁତ ହେଉଥିବା ବେଳେ ଗୁଗଲ ପକ୍ଷରୁ ଏକ ସ୍ୱତନ୍ତ୍ର ଡୁଡଲ ପ୍ରସ୍ତୁତ କରାଯାଇଛି।
ଗୁଗଲ ଡୁଡଲ (ହୋମପେଜ)ରେ ଫ୍ରଗି (ଗୁଗୁଲର ପାଣିପାଗ ବେଙ୍ଗ)କୁ ଦେଖାଇ ଦିଆଯାଇଛି। ଫ୍ରଗି ଆତସବାଜିକୁ ଦେଖୁଛି। ତା’ ପାଖରେ ଗୋଟିଏ ପକ୍ଷୀ ବି ବସିଛି। ପକ୍ଷୀର ମୁଣ୍ଡ ଉପରେ ଟୋପି ପିନ୍ଧା ହୋଇଛି। ଡୁଡଲରେ ଯେଉଁ ଆତସବାଜି ଦେଖାଯାଉଛି ତାହା ୫ଟି ରଙ୍ଗର। ଏହି ରଙ୍ଗ ହେଲା ହଳଦିଆ, ନାଲି, ରଙ୍ଗ, ନୀଳ, ଗୋଲାପୀ ଓ ସବୁଜ।
ମୋବାଇଲରେ ଯେଉଁମାନେ ପାଣିପାଗ ସୂଚନା ଜାଣିବାକୁ ଇଛା ପ୍ରକାଶ କରନ୍ତି ସେମାନେ ଏହି ଫ୍ରଗି ସହିତ ନିଶ୍ଚିତରେ ପରିଚିତ ଥିବେ। ଖାଲି ସେତିକି ନୁହେଁ, ଖ୍ରୀଷ୍ଟମାସଠାରୁ ଗୁଗଲ ପକ୍ଷରୁ ବିଭିନ୍ନ ପ୍ରକାର ଡୁଡଲଉ ପରିକଳ୍ପନା କରାଯାଇଥିଲା। ଉଲ୍ଲେଖଯୋଗ୍ୟ ଯେ ୨୦୨୦ ଏକ ଅଧିବର୍ଷ ମଧ୍ୟ।
