ଓଡ଼ିଶାଲାଇଭ ବ୍ୟୁରୋ
ଆଜି ଆଲୋକର ପର୍ବ ଦୀପାବଳି। ସାରାଦେଶରେ ଲୋକେ ଏହି ପର୍ବକୁ ଧୁମ୍ଧାମରେ ପାଳନ କରନ୍ତି। ୧୪ ବର୍ଷ ବନବାସ ସାରି ପରେ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମ ଚନ୍ଦ୍ର ଅଯୋଧ୍ୟାକୁ ଫେରିବା ଖୁସିରେ ଏହି ପର୍ବ ପାଳନ କରାଯାଏ। ଲୋକେ ଏହି ଦିନ ଦୀପ ଜାଳି ଆଲୋକମାଳାରେ ରାମଙ୍କୁ ସ୍ୱାଗତ କରିଥିଲେ।
୧୪ ବର୍ଷ ଧରି ଘୋର ବନରେ ବିତାଇଥିବା ଶ୍ରୀରାମ ଅମାବାସ୍ୟା ତିଥିରେ ଅଯୋଧ୍ୟା ଫେରିଥିଲେ। ଏଣୁ ଏହି ଅମାବାସ୍ୟା ରାତିର ଅନ୍ଧାରକୁ ଦୂର କରିବା ଲାଗି ଅଯୋଧ୍ୟାବାସୀ ଘରେ ଘରେ ଦୀପ ଜଳାଇଥିଲେ। ସେହିଦିନଠାରୁ ଏହି ଦିନକୁ ଦୀପାବଳି ଭାବେ ପୂଜା କରାଯାଉଛି।
ମାତ୍ର ଗତ ବର୍ଷ ପରି ଏ ବର୍ଷ କରୋନା ପାଇଁ ଆଲୋକର ଏହି ପର୍ବ ରଙ୍ଗହୀନ ହୋଇପଡ଼ିଛି। ଏଥର ନିରାଡମ୍ବର ଭାବେ ସବୁଜ ବାଣ ଫୁଟାଇ ଏହି ପର୍ବ ପାଳିବାକୁ ଲୋକେ ପ୍ରସ୍ତୁତ ହୋଇଛନ୍ତି। ଏ ବର୍ଷ ବାଣ ବଜାର ହିଁ ନାହିଁ। ବାଣ ଫୁଟାଇବା ଉପରେ ପ୍ରତିବନ୍ଧକ ଲାଗିଥିବାରୁ ଲୋକଙ୍କ ଭିତିରେ ଖାସ୍ ଉତ୍ସାହ ଦେଖିବାକୁ ମିଳିନାହିଁ।
