ଏପ୍ରିଲ ୧୦ରୁ ବୁଷ୍ଟର ଡୋଜ ନେବେ ୧୮ରୁ ଊର୍ଦ୍ଧ୍ଵ ବୟସ୍କ

April 8, 2022

ଓଡ଼ିଶାଲାଇଭ୍ ବ୍ୟୁରୋ

ଆସନ୍ତା ଏପ୍ରିଲ ୧୦ ତାରିଖଠାରୁ ୧୮ ବର୍ଷରୁ ଊର୍ଦ୍ଧ୍ଵ ବୟସର ବ୍ୟକ୍ତିଙ୍କୁ ବୁଷ୍ଟର ଡୋଜ ଦିଆଯିବ। ଏ ନେଇ କେନ୍ଦ୍ର ସ୍ଵାସ୍ଥ୍ୟ ମନ୍ତ୍ରାଳୟ ପକ୍ଷରୁ ଘୋଷଣା କରାଯାଇଛି। ଭାରତରେ କୋଭିଡ ମହାମାରୀର ପ୍ରକୋପ କମିଛି। କିନ୍ତୁ ଏସିଆ ଏବଂ ୟୁରୋପ ଭଳି ଦେଶଗୁଡ଼ିକରେ କୋଭିଡର ଚତୁର୍ଥ ଲହର ଦେଖାଦେଇଛି। ଭାରତ ନାଗରିକମାନଙ୍କ ସୁରକ୍ଷା ଦୃଷ୍ଟିରୁ ସ୍ଵାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏହି ପଦକ୍ଷେପ ନିଆଯାଇଛି।

ଯେଉଁମାନେ କୋଭିଡର ଦୁଇଟି ଯାକ ଡୋଜ ନେଇସାରିଥିବେ ସେମାନେ ଏହି ବୁଷ୍ଟର ଡୋଜ ନେଇପାରିବେ। ଦ୍ଵିତୀୟ କୋଭିଡ ଟିକା ଦେବାର ୯ ମାସ ପରେ ଏହି ବୁଷ୍ଟର ଡୋଜ ନେବାକୁ ମନ୍ତ୍ରାଳୟ ପକ୍ଷରୁ ପରାମର୍ଶ ଦିଆଯାଇଛି। ଏହି ବୁଷ୍ଟର ଡୋଜ ଘରୋଇ ହସ୍ପିଟାଲଗୁଡ଼ିକରେ ଉପଲବ୍ଧ ରହିବ। ଏଠାରେ ମାଗଣାରେ ଟିକା ନେଇ ହେବ। କୋଭିଡ ଟିକା ନେଇନଥିବା ବ୍ୟକ୍ତିମାନେ ଏଠାରେ ପ୍ରଥମ କିମ୍ବା ଦ୍ଵିତୀୟ ଡୋଜ ଟିକା ନେଇପାରିବେ ବୋଲି ମନ୍ତ୍ରାଳୟ ପକ୍ଷରୁ କୁହାଯାଇଛି।