ଓଡ଼ିଶାଲାଇଭ୍ ଏଣ୍ଟରଟେନ୍ମେଣ୍ଟ ବ୍ୟୁରୋ
ଦକ୍ଷିଣ ଭାରତୀୟ ଫିଲ୍ମ ସୁପରଷ୍ଟାର ଚିରଞ୍ଜୀବଙ୍କ ପୁଅ ରାମ ଚରଣ ବର୍ତ୍ତମାନ ଟଲିଉଡର ସବୁଠୁ ଧନୀ ଅଭିନେତାମାନଙ୍କ ମଧ୍ୟରୁ ଅନ୍ୟତମ। ୨୦୦୭ ମସିହାରେ ‘ଚିରୁଥା’ ଫିଲ୍ମରୁ ନିଜ କ୍ୟାରିଅର ଆରମ୍ଭ କରିଥିଲେ ରାମ ଚରଣ। ବାପା ଚିରଞ୍ଜୀବଙ୍କ ଭଳି ରାମ ଚରଣଙ୍କ ଫ୍ୟାନ୍ସ ଫଲୋଇଙ୍ଗ୍ସ କିଛି କମ୍ ନୁହେଁ। ନିଟରେ ରାମ ଚରଣ ହାଇଦ୍ରାବାଦ ନିକଟସ୍ଥ ଜୁବଲୀ ହିଲ୍ସରେ ଏକ ବିଶାଳ ଘର କିଣିଛନ୍ତି। କୁହାଯାଉଛି କି, ଏହି ଘରର ମୁଲ୍ୟ ୩୮କୋଟି ଟଙ୍କା। ଏମିତିକି. ଏହି ଘର ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ସବୁ ଅଭିନେତାଙ୍କଠାରୁ ମହଙ୍ଗା ଘର ବୋଲି କୁହାଯାଉଛି।
ରାମ ଚରଣଙ୍କ ନିଜର ପ୍ରଡକ୍ସନ ହାଉସ ମଧ୍ୟ ଅଛି, ଯାହାର ନାଁ କୋନିଡେଲା ପ୍ରଡକ୍ସନ କମ୍ପାନି। ରାମ ଚରଣ ଦୁଇଟି ତାମିଲ ଫିଲ୍ମ ପ୍ରଡ୍ୟୁସ ମଧ୍ୟ କରିଛନ୍ତି, ଏହା ସହ ଗୋଟେ ତାମିଲ ଫିଲ୍ମ ‘ତୁଫାନ’ ପାଇଁ ଗୀତ ବି ଗାଇଛନ୍ତି। ରାମ ଚରଣଙ୍କ ପ୍ରଡକ୍ସନର ଆଗାମୀ ଫିଲ୍ମରେ ତାଙ୍କ ବାପା ଚିରଞ୍ଜୀବ ନଜର ଆସିବେ। ଏହି ଫିଲ୍ମ ତାମିଲ, ତେଲୁଗୁ ଓ ହିନ୍ଦି ଭାଷାରେ ରିଲିଜ ହେବ।
ରାମ ଚରଣଙ୍କ ସମ୍ପତ୍ତିର ମୋଟ ମୂଲ୍ୟ ୧୩୦୦କୋଟି ଟଙ୍କା। ହାଇଦ୍ରାବାଦର ସବୁଠାରୁ ଭଲ ଏୟାରଲାଇନ ‘ଟ୍ରୁ ଜେଟ’ର ମାଲିକ ହେଉଛନ୍ତି ରାମ ଚରଣ। ଏହା ବ୍ୟତିତ ତାଙ୍କର ‘ରାମ ଚରଣ ହାଇଦ୍ରାବାଦ ପୋଲୋ ରାଇଡିଂ କ୍ଲବ’ ନାମକ ପୋଲୋ ଟିମ୍ ରହିଛି। ରାମ ଚରଣ ‘ମା ଟିଭି’ର ବୋର୍ଡ ଅଫ୍ ଡାଇରେକ୍ଟର୍ସରେ ମଧ୍ୟ ସାମିଲ ଅଛନ୍ତି।
ରାମ ଚରଣ ୨୦୧୨ ମସିହା ଜୁନ ୧୪ରେ ଆପୋଲୋ ହସ୍ପିଟାଲର ଚେୟାରମ୍ୟାନ ପ୍ରତାପ ସି ରେଡ୍ଡିଙ୍କ ନାତୁଣୀ ଉପାସନାଙ୍କୁ ବିବାହ କରିଥିଲେ। ବ୍ଲକବଷ୍ଟର ଫିଲ୍ମ ‘ବାହୁବଳୀ’ର ନିର୍ଦ୍ଦେଶକ ଏସ୍ଏସ୍ ରାଜାମୌଲିଙ୍କ ଆଗାମୀ ଫିଲ୍ମ ଆର୍ଆର୍ଆର୍ରେ ରାମ ଚରଣ ନଜର ଆସିବେ। ଏହି ଫିଲ୍ମରେ ରାମ ଚରଣଙ୍କ ସହିତ ଜୁନିଅର ଏଣ୍ଟିଆର ଅଭିନୟ କରିବେ।
