ଓଡ଼ିଶାଲାଇଭ୍ ଏଣ୍ଟରଟେନ୍ମେଣ୍ଟ ବ୍ୟୁରୋ
ବାହୁବଳୀ ଷ୍ଟାର ପ୍ରଭାସ ଓ ବଲିଉଡ ଚୁଲବୁଲି ନାୟିକା ଶ୍ରଦ୍ଧା କପୁରଙ୍କ ଅପକମିଂ ଫିଲ୍ମ ‘ସାହୋ’କୁ ନେଇ ଏବେ ଏକ ବଡ଼ ଖବର ସାମ୍ନାକୁ ଆସିଛି। ଫିଲ୍ମ ‘ସାହୋ’ ରିଲିଜ ପୂର୍ବରୁ ୩୨୦ କୋଟି ଟଙ୍କାର ବ୍ୟବସାୟ କରିଛି। ଯାହା ଏବେ ବକ୍ସ ଅଫିସରରେ ଚହଳ ପକାଇଛି।
ସାହୋ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦିନକୁ ଦିନ ବଢ଼ିବାରେ ଲାଗିଛି। ଯେଉଁଠି ବଲିଉଡରେ କୌଣସି ଫିଲ୍ମ ୧୦୦ କୋଟିର ବ୍ୟବସାୟ କରିବାକୁ ବଡ଼ ଉପଲବ୍ଧି ଭାବୁଛନ୍ତି। ସେଇଠି ଫିଲ୍ମ ‘ସାହୋ’ ରିଲିଜ ପୂର୍ବରୁ ୩୨୦ ଆୟ କରି ସମସ୍ତଙ୍କୁ ଚମକାଇ ଦେଇଛି।
ଖବର ମୂତାବିକ, ଫିଲ୍ମ ‘ସାହୋ’ ନିଜର ସାଟେଲାଇଟ ରାଇଟ୍ସ ବିକ୍ରି କରି ୩୨୦ କୋଟି ଟଙ୍କାର ବ୍ୟବସାୟ କରିଛି। ଏହି ଫିଲ୍ମରେ ପ୍ରଭାସଙ୍କ ଜବରଦସ୍ତ ଷ୍ଟଣ୍ଟ ଆକ୍ସନ ଦେଖିବାକୁ ମିଳିବ।
ଫିଲ୍ମର ଟ୍ରେଲର ସୋସିଆଲ ମିଡିଆରେ ଛାଇ ଯାଇଥିବା ବେଳେ ଫିଲ୍ମର ଦୁଇଟି ଗୀତ ‘ସାଇକୋ ସୈଆଁ’ ଏବଂ ‘ଇନ୍ନି ସୋନି’ ବର୍ତ୍ତମାନ ୟୁଟ୍ୟୁବରେ ଧମାଲ ମଚାଉଛି। ଆସନ୍ତା ଅଗଷ୍ଟ ୩୦ରେ ତେଲୁଗୁ, ହିନ୍ଦି ଓ ତାମିଲ ଭାଷାରେ ରିଲିଜ ହେବ ଫିଲ୍ମ ‘ସାହୋ’।
