ଓଡ଼ିଶାଲାଇଭ୍ ପଲିଟିକାଲ୍ ବ୍ୟୁରୋ
ଆଜି ଚତୁର୍ଥ ପର୍ଯ୍ୟାୟ ନିର୍ବାଚନ ଲାଗି ପ୍ରାର୍ଥିପତ୍ର ଦାଖଲ ସରିଛି। ଏପ୍ରିଲ ୨୯ରେ ୬ଲୋକସଭା ଆସନ ସହ ୪୨ ବିଧାନସଭା ଆସନ ଲାଗି ଭୋଟଗ୍ରହଣ ହେବ।
ଶେଷଦିନରେ ଅନେକ ହେଭିୱେଟ ନେତା ସେମାନଙ୍କର ପ୍ରାର୍ଥିପତ୍ର ଦାଖଲ କରିଛନ୍ତି। କେନ୍ଦ୍ରାପଡ଼ାରେ ବିଜେଡିର ଲୋକସଭା ପ୍ରାର୍ଥି ଅନୁଭନ ମହାନ୍ତି ପ୍ରାର୍ଥିପତ୍ର ଦାଖଲ କରିଛନ୍ତି।
ନିଜର ବହୁ ସମର୍ଥକ, ଶୁଭେଛୁଙ୍କ ସହ ରୋଡ ଶୋରେ ଯାଇ ଅନୁଭବ ପ୍ରାର୍ଥିପତ୍ର ଦାଖଲ କରିଛନ୍ତି। ପ୍ରାର୍ଥିପତ୍ର ଦାଖଲବେଳେ ତାଙ୍କ ସହ ଉପସ୍ଥିତ ଥିଲେ ପତ୍ନୀ ବର୍ଷା ପ୍ରିୟଦର୍ଶିନୀ।
ଏଥର ନିର୍ବାଚନରେ ବିଜୁ ଜନତା ଦଳ ଭଲ ପ୍ରଦର୍ଶନ କରିବା ସହ ବିଜେଡିର ବିଜୟ ସୁନିଶ୍ଚିତ ବୋଲି ଅନୁଭବ କହିଛନ୍ତି।
“ବିଜେଡି ସୁପ୍ରିମୋ ଅନୁଭବଙ୍କୁ ଯେଉଁ ଦାୟିତ୍ୱ ଦେଇଛନ୍ତି ତାହା ଅତି ସୁନ୍ଦର ଭାବେ ନିଭାଇବେ। ଏହା ମୋର ଭରସା ଅଛି।” ଏପରି କହିଛନ୍ତି ବର୍ଷା।
ସେହିପରି କେନ୍ଦ୍ରାପଡ଼ା ବିଧାନସଭା ଆସନ ଲାଗି ବିଜେଡି ପ୍ରାର୍ଥୀ ଶଶିଭୂଷଣ ବେହେରା ମଧ୍ୟ ନିଜ ପ୍ରାର୍ଥିପତ୍ର ଦାଖଲ କରିଛନ୍ତି।
୨୦୧୪ ନିର୍ବାଚନରେ ଉପକୂଳବର୍ତ୍ତି ଜିଲ୍ଲା ମାନଙ୍କରେ ବିଜେଡି ଭଲ ପ୍ରଦର୍ଶନ କରିଥିଲା। ମାତ୍ର ୨୦୧୯ରେ ଅନେକ ନେତା ଯେଉଁମାନେ ବିଜେଡି ଟିକେଟରେ ଜିତିଥିଲେ ସେମାନେ ଏବେ ପଦ୍ନ ପୋଖରୀରେ। ଏହାରି ଭିତରେ ଦେଖିବାକୁ ବାକି ରହିଲା ଏଥରର ଜନାଦେଶ କାହା ସପକ୍ଷରେ ଯାଉଛି।
