ଓଡ଼ିଶାଲାଇଭ୍ କରୋନା ବ୍ୟୁରୋ
କରୋନାକୁ ନେଇ ତାଜା ସୂଚନା ଦେଲେ ରାଜ୍ୟ ସରକାର। ତିନୋଟି ସହରକୁ ବନ୍ଦ ଘୋଷଣା କରିବା ସହିତ ଅନେକ ଗୁରୁତ୍ୱପୂର୍ଣ୍ଣ ଘୋଷଣା କରାଯାଇଛି।
ବିଶ୍ୱ ଓ ଦେଶରେ କରୋନା
- ବିଶ୍ୱର ୨୦୩ଟି ଦେଶ ଓ ୨ଟି ପାଣିଜାହାଜକୁ ଆକ୍ରାନ୍ତ କରିଛି କରୋନା ଭାଇରସ୍।
- ବିଶ୍ୱରେ ୧୦,୧୯,୩୪୦ ଜଣ ଲୋକ କରୋନା ଆକ୍ରାନ୍ତ।
- କରୋନାରେ ମୃତ୍ୟୁସଂଖ୍ୟା ୫୩,୩୨୨କୁ ବୃଦ୍ଧି।
- ଭାରତରେ ଆକ୍ରାନ୍ତଙ୍କ ସଂଖ୍ୟା ୨୩୦୧।
- ଭାରତରେ କରୋନାଜନିତ ମୃତ୍ୟୁସଂଖ୍ୟା ୫୬।
ଓଡ଼ିଶାରେ କରୋନା
- ଓଡ଼ିଶାରେ କରୋନା ଆକ୍ରାନ୍ତଙ୍କ ସଂଖ୍ୟା ୬କୁ ବୃଦ୍ଧି।
- କଟକର ଜଣେ ଯୁବକ କରୋନାରେ ଆକ୍ରାନ୍ତ।
- ଦିଲ୍ଲୀର ତବଲିଗି ଜମାତ ସମ୍ମିଳନୀରେ ଯୋଗଦେଇ ଓଡ଼ିଶା ଫେରିଥିଲେ।
- ଓଡ଼ିଶାରେ ୧୧୧୩ ନମୁନା ପରୀକ୍ଷଣରୁ କେବଳ ୬ ପଜିଟିଭ୍।
- ସୁସ୍ଥ ହୋଇ ଘରକୁ ଫେରିଥିଲେ ପ୍ରଥମ ଓ ଦ୍ୱିତୀୟ କରୋନା ଆକ୍ରାନ୍ତ।
- ତୃତୀୟ ଓ ଚତୁର୍ଥ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି ୧୨୪ ଜଣ।
- ପଞ୍ଚମ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି ୩୦ ଜଣ।
- ଓଡ଼ିଶାରୁ ୨୭ ଜଣ ଲୋକ ଦିଲ୍ଲୀର ତବଲିଗ୍ ଜମାତ ସମ୍ମିଳନୀରେ ଯୋଗଦେଇ ଓଡ଼ିଶା ଫେରିଛନ୍ତି।
- ସେଥିମଧ୍ୟରୁ ୭ ଜଣ ବିଦେଶୀ ନାଗରିକ।
- ୨୭ ଜଣଙ୍କ ମଧ୍ୟରୁ ୨୧ ଜଣଙ୍କ ରିପୋର୍ଟ ନେଗେଟିଭ୍, ଜଣେ ପଜିଟିଭ୍, ୫ ନମୁନାର ରିପୋର୍ଟ ମିଳିନି।
ଭୁବନେଶ୍ୱର, କଟକ ଓ ଭଦ୍ରକ ଟାଉନ୍ ସଟଡାଉନ୍
- କରୋନା ମୁକାବିଲା ପାଇଁ ଭୁବନେଶ୍ୱର, କଟକ ଓ ଭଦ୍ରକ ସହର ସଟଡାଉନ୍।
- ଶୁକ୍ରବାର ରାତି ୮ଟାରୁ ରବିବାର ୮ଟା ଯାଏଁ ବନ୍ଦରହିବ ତିନି ସହର।
- ୪୮ ଘଣ୍ଟା ପାଇଁ ତିନି ସହରରେ କର୍ଫ୍ୟୁ ଜାରି କଲେ ରାଜ୍ୟ ସରକାର।
- କିଛି ଔଷଧ ଦୋକାନକୁ ଛାଡ଼ି ବାକି ସବୁ ଦୋକାନ ବନ୍ଦ।
- ଭୁବନେଶ୍ୱର ସହର ସମେତ ଆଖପାଖର ୧୪ଟି ଗ୍ରାମପଞ୍ଚାୟତ ବି ବନ୍ଦ ରହିବ।
- କଟକ ମ୍ୟୁନିସିପାଲଟି ଓ ଭଦ୍ରକ ମ୍ୟୁନିସିପାଲଟି ବନ୍ଦ ରହିବ।
