ଓଡ଼ିଶାଲାଇଭ୍ କରୋନା ବ୍ୟୁରୋ
- କରୋନାରେ ପ୍ରାଣ ହରାଇଲେ ଆଉ ୨ ଆକ୍ରାନ୍ତ
- ଦୁଇଜଣ ଯାକ ମୃତକ ଗଞ୍ଜାମ ଜିଲ୍ଲାର
- ରାଜ୍ୟର କରୋନା ମୃତ୍ୟୁସଂଖ୍ୟା ୭୯କୁ ବୃଦ୍ଧି
ରାଜ୍ୟରେ ଦିନକୁ ଦିନ ବେକାବୁ ହୋଇ ମାଡ଼ିଚାଲିଛି କରୋନା। ଆକ୍ରାନ୍ତଙ୍କ ସଂଖ୍ୟା ବଢ଼ିବା ସହିତ ମୃତ୍ୟୁସଂଖ୍ୟା ମଧ୍ୟ ବଢ଼ିଚାଲିଛି। ଗୁରୁବାର ଆଉ ୨ ଆକ୍ରାନ୍ତଙ୍କ ମୃତ୍ୟୁକୁ ମିଶାଇ ରାଜ୍ୟରେ କରୋନା ମୃତ୍ୟୁସଂଖ୍ୟା ୭୯କୁ ବୃଦ୍ଧି ପାଇଛି।
Regret to inform the demise of two Covid positive patients of Ganjam district while under treatment in hospitals.
1. A 51-year old Male who was also suffering from morbid obesity.
2. A 34-year old Male who was also suffering from Hypertension.
— H & FW Dept Odisha (@HFWOdisha) July 16, 2020
ଗୁରୁବାର ଗଞ୍ଜାମ ଜିଲ୍ଲାର ଦୁଇଜଣ ଆକ୍ରାନ୍ତ କରୋନାରେ ପ୍ରାଣ ହରାଇଛନ୍ତି। ସେମାନଙ୍କର ବୟସ ଯଥାକ୍ରମେ ୩୪ ବର୍ଷ ଓ ୫୧ ବର୍ଷ ବୋଲି ସ୍ୱାସ୍ଥ୍ୟ ବିଭାଗ ସୂଚନା ଦେଇଛି।
ଏହାକୁ ମିଶାଇ କେବଳ ଗଞ୍ଜାମ ଜିଲ୍ଲାରୁ ୪୮ ଜଣ ପ୍ରାଣ ହରାଇସାରିଲେଣି। ସେହିପରି ଖୋର୍ଦ୍ଧାରୁ ୧୩, କଟକରୁ ୮ ଜଣ ଆକ୍ରାନ୍ତ ପ୍ରାଣ ହରାଇଛନ୍ତି।
ରାଜ୍ୟରୁ ଏଯାବତ ମୋଟ ୧୫,୩୯୨ ପଜିଟିଭ୍ ଚିହ୍ନଟ ହୋଇଥିବାବେଳେ ସେଥିମଧ୍ୟରୁ ୭୯ ଜଣ ପ୍ରାଣ ହରାଇଛନ୍ତି। ଏଥିସହିତ ଆଉ ୨୪ ଜଣ ଆକ୍ରାନ୍ତଙ୍କର ମୃତ୍ୟୁ ଅଣକୋଭିଡ୍ ଜନିତ ବୋଲି ସ୍ୱାସ୍ଥ୍ୟ ବିଭାଗ ସୂଚନା ଦେଇଛି।
