ଓଡ଼ିଶାଲାଇଭ୍ ବ୍ୟୁରୋ
ପୁରୀ ବେଳାଭୂମିର ସୌନ୍ଦର୍ଯ୍ୟରେ ଯୋଡ଼ି ହୋଇପାରେ ଆଉ ଏକ ଟ୍ୟାଗ୍। ‘ବ୍ଲୁ ଫ୍ଲାଗ୍’ ମାନ୍ୟତା ପାଇଁ ପୁରୀ ବେଳାଭୂମିକୁ ସୁପାରିସ କରାଯାଇଛି। କେନ୍ଦ୍ର ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରାଳୟ ପକ୍ଷରୁ ଡେନମାର୍କ ଜୁରିକୁ ଏହି ସୁପାରିସ କରାଯାଇଥିବା ସୂଚନା ମିଳିଛି।
ଦେଶରେ ମୋଟ ୮ ଗୋଟି ବେଳାଭୂମିର ନାମକୁ ଏହି ଟ୍ୟାଗ୍ ପାଇଁ ସୁପାରିସ କରାଯାଇଛି। ପୁରୀ ବେଳାଭୂମି ଏମାନଙ୍କ ମଧ୍ୟରୁ ଅନ୍ୟତମ। ପୁରୀର ଗୋଲ୍ଡେନ୍ ବିଚ୍କୁ ଏହି ଟ୍ୟାଗ୍ପାଇଁ ସୁପାରିସ କରାଯାଇଥିବା ସୂଚନା ମିଳିଛି।
ଏହି ସୁପାରିସ ପରେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ପରିବେଶ ମନ୍ତ୍ରୀ ପ୍ରକାଶ ଜାଭେଦକରଙ୍କୁ ଧନ୍ୟବାଦ ଜଣାଇଛନ୍ତି।
