ଓଡ଼ିଶାଲାଇଭ୍ ବ୍ୟୁରୋ
ଗ୍ୟାସ ଚୋରିକୁ ରୋକିବା ପାଇଁ କେନ୍ଦ୍ର ସରକାର ଗ୍ୟାସ ସିଲିଣ୍ଡରରେ କ୍ୟୁଆର୍ କୋଡ୍ ଲଗାଇବାକୁ ଯାଉଛନ୍ତି। ଏହା ଦ୍ୱାରା ଗ୍ୟାସ ଚୋରି କରିଥିବା ଲୋକଙ୍କୁ ଟ୍ରାକ କରାଯାଇପାରିବ। ଏହି ସୂଚନା ଦେଇଛନ୍ତି କେନ୍ଦ୍ର ପେଟୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ହରଦୀପ ସିଂହ ପୁରୀ।
କ୍ୟୁଆର୍ କୋଡ୍ ଥିବା ସିଲିଣ୍ଡରରୁ ଜଣାପଡିବ ଯେ ସେଥିରେ କେତେଥର ଗ୍ୟାସ ରିଫିଲିଂ ହୋଇଛି । ଏହା ଛଡା ଏହି ତଥ୍ୟ ମଧ୍ୟ ରହିବ ଯେ ସିଲିଣ୍ଡରଟି କେଉଁ ଡିଲର ପାଖରୁ କିଭଳି ଭାବେ ଲୋକଙ୍କ ପାଖରେ ପହଞ୍ଚିଛି । ସିଲିଣ୍ଡରରେ ଗ୍ୟାସ କମ ରହିଥିବାର ବାରମ୍ବାର ଅଭିଯୋଗ ପରେ ଚୋରି ଉପରେ ଲଗାମ ଲଗାଇବାକୁ ଏଭଳି ପଦକ୍ଷେପ ନିଆଯିବ ।
Fueling Traceability!
A remarkable innovation – this QR Code will be pasted on existing cylinders & welded on new ones – when activated it has the potential to resolve several existing issues of pilferage, tracking & tracing & better inventory management of gas cylinders. pic.twitter.com/7y4Ymsk39K— Hardeep Singh Puri (@HardeepSPuri) November 16, 2022
ଏବେ ସମସ୍ତ ଗ୍ୟାସ ସିଲିଣ୍ଡରରେ ଏହି ବ୍ୟବସ୍ଥା ଆଣିବା ପାଇଁ କିଛି ମାସର ସମୟ ଲାଗିବ। ସରକାର ଉଭୟ ଉପଲବ୍ଧ ଥିବା ଏବଂ ନୂତନ ତିଆରି ହେବାକୁ ଥିବା ସିଲିଣ୍ଡରରେ କ୍ୟୁଆର୍ କୋଡ୍ ଲଗାଇବେ ବୋଲି ପେଟ୍ରୋଲିୟମ ମନ୍ତ୍ରୀ କହିଛନ୍ତି ।
ଏହାର ସବୁଠାରୁ ବଡ ଫାଇଦା ସାଧାରଣ ଲୋକକୁ ହେବ । ଯଦି କୌଣସି ଗ୍ୟାସ ବିକ୍ରେତା ଲୋକଙ୍କ ଘରେ ଗ୍ୟାସ ପହଞ୍ଚାଇବା ପୂର୍ବରୁ ଗ୍ୟାସ ବାହାର କରିଥାଏ ତେବେ ଏହା ମାଧ୍ୟମରେ ଲୋକେ ତାର ଚୋରିକୁ ଧରିପାରିବେ । ପୂର୍ବରୁ ଏହା ସମ୍ଭବପର ହେଉନଥିଲା।
Tags: #QRcode #Gascylinder #Petroleumministry #HardeepsinghPuri #India
