ଓଡ଼ିଶାଲାଇଭ୍ ବ୍ୟୁରୋ
ଭାରତୀୟ ମହାକାଶ କ୍ଷେତ୍ରରେ ଏକ ବଡ଼ ଧରଣର ପରିବର୍ତ୍ତନ ହେବାକୁ ଯାଉଛି। କାରଣ ଏଣିକି ଘରୋଇ କମ୍ପାନିମାନେ ମଧ୍ୟ ରକେଟ୍ ଓ ଉପଗ୍ରହ ତିଆରି କରିପାରିବେ। ଏନେଇ ଆଜି ଭାରତୀୟ ମହାକାଶ ଗବେଷଣା କେନ୍ଦ୍ରର ଅଧ୍ୟକ୍ଷ କେ ଶିବନ ସୂଚନା ଦେଇଛନ୍ତି।
ସେ କହିଛନ୍ତି ଯେ, ବର୍ତ୍ତମାନ ସ୍ପେସ୍ ସେକ୍ଟର ଘରୋଇ କମ୍ପାନିଗୁଡ଼ିକ ପାଇଁ ଖୋଲାଯିବ। ସେମାନଙ୍କୁ ରକେଟ୍ ଓ ଉପଗ୍ରହ ତିଆରି ଏବଂ ଲଞ୍ଚ କରିବାର ସୁଯୋଗ ପ୍ରଦାନ କରାଯିବ।
ତେବେ ପୂର୍ବଭଳି ଇସ୍ରୋ କିନ୍ତୁ ମହାକାଶ ଗବେଷଣା ଓ ଅନୁସନ୍ଧାନ କାର୍ଯ୍ୟ ଜାରି ରଖିବ । ଏହାଦ୍ୱାରା ଭାରତୀୟ ମହାକାଶ ବିଜ୍ଞାନର ଆହୁରି ଅଧିକ ଉନ୍ନତି ହୋଇପାରିବ ବୋଲି ଶିବନ କହିଛନ୍ତି।
ବୁଧବାର ଏନେଇ କ୍ୟାବିନେଟ୍ ମଞ୍ଜୁରି ଦେଇଥିଲା। ଏହାଦ୍ୱାରା ଭାରତୀୟ ମହାକାଶ ସହିତ ଉଦ୍ୟୋଗ ଜଗତ ମଧ୍ୟ ଲାଭବାନ ହୋଇପାରିବ ବୋଲି କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ କହିଛନ୍ତି।
