ଓଡ଼ିଶାଲାଇଭ୍ ବ୍ୟୁରୋ
ଜନ୍ମବେଦୀରୁ ରତ୍ନବେଦୀକୁ ବାହୁଡ଼ିଛନ୍ତି ଶ୍ରୀଜୀଉ। ପ୍ରଥମେ ବଡ଼ଭାଇ ବଳଭଦ୍ର ଆସି ପହଞ୍ଚିଛନ୍ତି ସିଂହଦ୍ଵାର ପାଖରେ। ଭଉଣୀ ସୁଭଦ୍ରା ମଧ୍ୟ ବଡ଼ ଭାଇଙ୍କ ପଛେପଛେ ଆସି ପହଞ୍ଚିଛନ୍ତି।
କାଳିଆ ସାଆନ୍ତ ମାଉସୀ ମା’ଙ୍କ ଠାରୁ ପୋଡ଼ ପିଠା ଖାଇ ଧିରେଧିରେ ସିଂହଦ୍ଵାର ଅଭିମୁଖେ ଆସୁଛନ୍ତି।
ଆଡ଼ପମଣ୍ଡପରେ ଖେଚୁଡ଼ି ଖାଇ ଚତୁର୍ଦ୍ଧାମୂର୍ତ୍ତି ରଥଉପରକୁ ପହଣ୍ଡିବିଜେ କରିଥିଲେ। ନାକଚଣା ଦ୍ୱାର ସମ୍ମୁଖରେ ପ୍ରଭୁଙ୍କୁ ଅପେକ୍ଷା କରିଥିବା ତାଳଧ୍ୱଜ, ନନ୍ଦିଘୋଷ ଏବଂ ଦର୍ପଦଳନ ରଥରେ ବିଜେ କରିଥିଲେ ଚତୁର୍ଦ୍ଧାମୂର୍ତ୍ତି। ଏହାପରେ ଆରମ୍ଭ ହୋଇଥିଲା ଛେରାପହଁରା କାର୍ଯ୍ୟ।
ଘୋଡ଼ା ଯୋଖା ପରେ ଆରମ୍ଭ ହୋଇ ରଥଟଣା କାର୍ଯ୍ୟ। ପ୍ରଥମେ ତାଳଧ୍ଵଜ ରଥ ଟଣା ଆରମ୍ଭ ହୋଇଥିଲା। ଏହାପରେ ଭଉଣୀ ସୁଭଦ୍ରାଙ୍କ ରଥ ଟଣା ହୋଇଥିବାବେଳେ ଶେଷରେ ଗଡ଼ିଥିଲା ମହାପ୍ରଭୁ ଜଗନ୍ନାଥଙ୍କ ରଥ।
ଘଣ୍ଟ, ଘଣ୍ଟା, କାହାଳି ଓ ମୃଦଙ୍ଗ ବାଦ୍ୟରେ କମ୍ପିଉଠୁଛି ଶରଧାବାଲି। ସକାଳ ୪ଟାରେ ଆଡ଼ପମଣ୍ଡପରେ ଶ୍ରୀଜୀଉଙ୍କୁ ମଙ୍ଗଳଆଳତି କରାଯାଇଥିଲା। ମଇଲମ, ତଡ଼ପଲାଗି, ରୋଷହୋମ, ଅବକାଶ, ସୂର୍ଯ୍ୟପୂଜା, ଦ୍ୱାରପାଳପୂଜା ପରେ ସେବକମାନେ ପ୍ରଭୁଙ୍କୁ ବେଶ କରିଥିଲେ। ଏହାପରେ ଗୋପାଳବଲ୍ଲଭ ଏବଂ ସକାଳଧୂପ ଅନୁଷ୍ଠିତ ହୋଇଥିଲା। ସେନାପଟା ଲାଗି ପରେ ମଙ୍ଗଳାର୍ପଣ କରାଯାଇଥିଲା।
ଶ୍ରୀମସ୍ତକରେ ଆକର୍ଷଣୀୟ ଟାହିଆ ପିନ୍ଧି ମହାପ୍ରଭୁ ପହଣ୍ଡିରେ ବାହାରିଥିଲେ। ପ୍ରଭୁଙ୍କୁ ଧାଡିପହଣ୍ଡିରେ ନିଆଯାଇଥିଲା।
ଲଘୁଚାପ ବର୍ଷା ସତ୍ତ୍ୱେ ଆଜି ପୁରୀରେ ଶୁଖିଲା ପାଗ ଅଛି। ମହାପ୍ରଭୁଙ୍କ ବାହୁଡ଼ାଯାତ୍ରା ଦେଖିବା ପାଇଁ ଶ୍ରଦ୍ଧାଳୁଙ୍କ ଭିଡ଼ ଜମିଛି। ଯେଉଁ ଶ୍ରଦ୍ଧାଳୁମାନେ ପୁରୀ ଆସି ନଥିବେ ସେମାନଙ୍କ ପାଖରେ ବାହୁଡ଼ାଯାତ୍ରାର ସିଧାପ୍ରସାରଣ ଓଡ଼ିଶାଲାଇଭ୍ର ୟୁଟ୍ୟୁବ୍ ଏବଂ ସୋସିଆଲ ଚ୍ୟାନେଲ ମାଧ୍ୟମରେ ପହଞ୍ଚିପାରିଛି।
ସକାଳ ୭ଟା ୩୦ରୁ ଓଡ଼ିଶାଲାଇଭ୍ର ନ୍ୟୁଜ୍ ପୋର୍ଟାଲ (www.odisha.live) ସହିତ ଫେସବୁକ ପେଜ୍ (www.facebook.com/odishalive) ଏବଂ ୟୁଟ୍ୟୁବ୍ ଚ୍ୟାନେଲରେ (www.youtube.com/odishalive) ଚତୁର୍ଦ୍ଧା ମୂର୍ତ୍ତିଙ୍କର ବାହୁଡ଼ାଯାତ୍ରାର ସିଧାପ୍ରସାରଣ ଆରମ୍ଭ ହୋଇଛି।
ଦେଶବିଦେଶର ଦର୍ଶକମାନେ କମ୍ପ୍ୟୁଟର, ଲାପଟପ, ଟ୍ୟାବ୍ ଏବଂ ମୋବାଇଲ ଫୋନ ମାଧ୍ୟମରେ ଏହି ସିଧାପ୍ରସାରଣ କାର୍ଯ୍ୟକ୍ରମ ଦେଖିପାରିବେ। ଓଡ଼ିଶା ତଥା ବାହାରର ଦର୍ଶକମାନଙ୍କ ସୁବିଧା ପାଇଁ ନ୍ୟୁଜ୍ ପୋର୍ଟାଲ (www.odisha.live) ସହିତ ଫେସବୁକ ପେଜ୍ (www.facebook.com/odishalive) ଏବଂ ୟୁଟ୍ୟୁବ୍ ଚ୍ୟାନେଲରେ (www.youtube.com/odishalive) ଏହି ସିଧାପ୍ରସାରଣର କରାଯାଉଛି।
