ଭାରତରେ ଲଞ୍ଚ ହେଲା Huawei Y9 Prime ସ୍ମାର୍ଟଫୋନ୍‌

August 1, 2019

ଓଡ଼ିଶାଲାଇଭ୍‌ ବ୍ୟୁରୋ

ଚୀନ ସ୍ମାର୍ଟଫୋନ କମ୍ପାନି ହୁଆୱି(Huawei) ଭାରତରେ ଲଞ୍ଚ କରିଛି ଏହାର ପ୍ରଥମ ପପ୍‌ ଅପ୍‌ ସେଲ୍‌ଫି କ୍ୟାମେରା ସ୍ମାର୍ଟଫୋନ ‘ହୁଆୱି ୱାଇ୯ ପ୍ରାଇମ୍‌’। ଏହି ସ୍ମାର୍ଟଫୋନ ହେଉଛି ହୁଆୱି କମ୍ପାନିର ଏକ ମିଡ୍‌ ରେଞ୍ଜ ସ୍ମାର୍ଟଫୋନ। କାହିଁକି ନାଁ ଭାରତରେ ଏହାର ମୂଲ୍ୟ ରହିଛି ୧୫,୯୯୦ଟଙ୍କା।

‘ହୁଆୱି ୱାଇ୯ ପ୍ରାଇମ୍‌’ ସ୍ମାର୍ଟଫାନରେ ୪ଜିବି ରାମ୍‌ ଓ ୧୨୮ ଜିବି ଇଣ୍ଟର୍ଣ୍ଣାଲ ଷ୍ଟୋରେଜ ରହିଛି। ଏହାର ପ୍ରଥମ ବିକ୍ରି ଅଗଷ୍ଟ ୭ରୁ ଆରମ୍ଭ ହେବ। କମ୍ପାନି ଏହି ସ୍ମାର୍ଟଫୋନ ପାଇଁ ପ୍ରି-ବୁକିଂ ସୁବିଧା ଆରମ୍ଭ କରିଛି। ଅନ୍‌ଲାଇନ୍‌ରେ ପ୍ରି-ବୁକିଂ କରିଥିବା ଗ୍ରାହକଙ୍କୁ ଇୟରଫୋନ ଓ ପାୱାର ବ୍ୟାଙ୍କ ମାଗଣା ମିଳିବ। ହୁଆୱିର ଅଫିସିଆଲ ଅନ୍‌ଲାଇନ୍‌ ଷ୍ଟୋରରୁ ଏହି ସ୍ମାର୍ଟଫୋନର ପ୍ରି-ବୁକିଂ କରିପାରିବେ।