ଓଡ଼ିଶାଲାଇଭ ବ୍ୟୁରୋ
ଉତ୍କଳ ବିଶ୍ଵବିଦ୍ୟାଳୟରେ ଦେଖା ଦେଇଛି ଛାତ୍ର ଅଶାନ୍ତି। ୧୦ ଦଫା ଦାବି ନେଇ କୁଳପତିଙ୍କ ଅଫିସ ଘେରାଉ କରିବା ସହ କାର୍ଯ୍ୟାଳୟରେ ତାଲା ପକାଇଛନ୍ତି। ତେବେ କୁଳପତିଙ୍କ ଅଫିସରେ ଧସେଇ ପଶିବା ବେଳେ ପୋଲିସ ଓ ଛାତ୍ରଛାତ୍ରୀ ମୁହାଁମୁହିଁ ହୋଇଛନ୍ତି।
ଦୀର୍ଘଦିନ ହେବ ବିଶ୍ଵବିଦ୍ୟାଳୟର ଛାତ୍ରଛାତ୍ରୀ ବିଭିନ୍ନ ସମସ୍ୟାକୁ ନେଇ ଅଭିଯୋଗ କରି ଆସୁଥିଲେ। ଛାତ୍ରନିବାସ ଓ ଛାତ୍ରୀନିବାସରେ ଅନେକ ସମସ୍ୟା ଓ ମୁଖ୍ୟ ଫାଟକ ସ୍ଥାନାନ୍ତର କରିବାକୁ ଛାତ୍ରଛାତ୍ରୀମାନେ ଦାବି କରିଥିଲେ। ହେଲେ ଏଥିପ୍ରତି ବିଶ୍ଵବିଦ୍ୟାଳୟ କର୍ତ୍ତୃପକ୍ଷ ଅଣଦେଖା କରିଥିବା ଅଭିଯୋଗ ହୋଇଛି।
ତେବେ ଆଜି ଏହି ଅଭିଯୋଗକୁ ଭିତ୍ତି କରି ଛାତ୍ରଛାତ୍ରୀ କୁଳପତିଙ୍କ ଅଫିସରେ ଧସେଇ ପଶିଥିଲେ। ଏହି ସମୟରେ ପୋଲିସ ଓ ଛାତ୍ରଛାତ୍ରୀ ମୁହାଁମୁହିଁ ହୋଇଥିଲେ। ପରିସ୍ଥିତିକୁ ଶାନ୍ତ କରିବାକୁ ୨ ପ୍ଲାଟୁନ ପୋଲିସ ଫୋର୍ସ ମଧ୍ୟ ମୁତୟନ କରାଯାଇଛି।
ଏପର୍ଯ୍ୟନ୍ତ ସମସ୍ୟାର ସମାଧାନ ବାହାରି ପାରିନାହିଁ। ପୋଲିସ ଘଟଣାସ୍ଥଳରେ ଛାତ୍ରଛାତ୍ରୀଙ୍କୁ ବୁଝାଇବାକୁ ଚେଷ୍ଟା କରୁଛନ୍ତି। ଯଦି ସମସ୍ୟାର ତୁରନ୍ତ ସମାଧାନ ନକରାଯାଏ ତେବେ ଆନ୍ଦୋଳନ ଜାରି ରହିବ ବୋଲି ଛାତ୍ରୀଛାତ୍ରୀ ଚେତାବନୀ ଦେଇଛନ୍ତି।
