ଓଡ଼ିଶାଲାଇଭ୍ ବ୍ୟୁରୋ
ବହୁଚର୍ଚ୍ଚିତ ୱେବସିରିଜ୍ ‘ଆଶ୍ରମ’ର ଦ୍ୱିତୀୟ ପାର୍ଟ ଟ୍ରେଲର ରିଲିଜ୍ ହୋଇଛି। ଯେଉଁଥିରେ ବାବା ନିରାଲା ଭୂମିକାରେ ବବି ଦେୱଲ ପୁଣି ଦମ୍ଦାର ଅଭିନୟ କରୁଥିବା ନଜର ଆସୁଛନ୍ତି। ଆସ୍ଥା ନାମରେ କିଭଳି ବାବାମାନେ ଲୋକମାନଙ୍କୁ ଭୁଆଁ ବୁଲାଉଛନ୍ତି, ତାହା ଏହି ୱେବସିରିଜରେ ଦେଖିବାକୁ ମିଳିବ।
ଆଶ୍ରମର ଏହି ଦ୍ୱିତୀୟ ପାର୍ଟରେ ବାବା ନିରାଲାଙ୍କ କଳା ଚେହେରା ଦେଖିବାକୁ ମିଳୁଛି। କିଭଳି ଭାବେ ବାବା ନିରାଲା ଯୁବତୀମାନଙ୍କ ଯୌନଶୋଷଣ କରିବା ସହିତ ଡ୍ରଗ୍ସ କାରବାରରେ ସାମିଲ ଅଛନ୍ତି, ତାହା ଏଥିରେ ଦେଖିବାକୁ ମିଳିବ। ନିର୍ଦ୍ଦେଶକ ପ୍ରକାଶ ଝା ଅତି ଚମତ୍କାର ଢଙ୍ଗରେ ଏହି ସିରିଜକୁ ଲୋକମାନଙ୍କ ଆଗରେ ରଖିବାକୁ ଯାଉଛନ୍ତି।
ନଭେମ୍ବର ୧୧ ତାରିଖରୁ ଲୋକମାନେ ଏହି ୱେବସିରିଜର ଦ୍ୱିତୀୟ ପାର୍ଟକୁ ଏମ୍ଏକ୍ସ ପ୍ଲେୟର ଆପରେ ଦେଖିବାକୁ ପାଇବେ। ଏହାପୂର୍ବରୁ ଏହାର ପ୍ରଥମ ପାର୍ଟ ରିଲିଜ୍ ହୋଇସାରିଛି।
