ଓଡ଼ିଶାଲାଇଭ୍ ବ୍ୟୁରୋ
ସାଧାରଣତଃ ଅଧିକାଂଶ ଲୋକଙ୍କୁ ମିଠା ପସନ୍ଦ। ଏପରିକି ଖାଇବାରେ ଚିନି ଖାଇବାର ଅଭ୍ୟାସ ଅନେକଙ୍କର ଥାଏ। ତେବେ ଅତ୍ୟଧିକ ଚିନି ଖାଇବା ଦ୍ୱାରା ଅନେକ ରୋଗ ହେବା ସହ ଶରୀରରେ ସମସ୍ୟା ମଧ୍ୟ ଦେଖାଯାଇଥାଏ। ତେବେ ଆସନ୍ତୁ ଜାଣିବା ଚିନି ଖାଇବା ଯୋଗୁଁ କଣ ସବୁ ସମସ୍ୟା ଦେଖାଦେଇଥାଏ।
ମଧୁମେହ
ଚିନି ସହ ମଧୁମେହର କୌଣସି ସିଧା ପ୍ରଭାବ ଯଦିଓ ରହିନଥାଏ କିନ୍ତୁ ଭୂମିକା ରହିଥାଏ। ଚିନି ଖାଇଲେ ମେଦବହୁଳତା ବଢ଼ିଥାଏ। ଏହା ଶରୀରରେ ମଧୁମେହ ଆଶଙ୍କା ବୃଦ୍ଧି କରେ। ମେଦବୃଦ୍ଧି ଯୋଗୁଁ ଶରୀରର ହରମୋନରେ ପରିବର୍ତ୍ତନ ଆସିବା ସହ ବିଭିନ୍ନ ପ୍ରକାର ରୋଗ ଗ୍ରାସ କରିଥାଏ। ଏହାଦ୍ଵାରା ରକ୍ତ ଶର୍କରାରେ ସନ୍ତୁଳନ ରକ୍ଷା ହୋଇପାରି ନଥାଏ।
ଦୃଦ୍ ରୋଗ
ଅଧିକ ଚିନି ଖାଉଥିବା ବ୍ୟକ୍ତିଙ୍କୁ ଉଚ୍ଚ ଟ୍ରାଏଙ୍ଗ୍ଲିସରଏଡ୍ ଓ କମ୍ ଏଚଡିଏଲ୍ କୋଲେଷ୍ଟ୍ରଲର ଶିକାର ହେବାର ସମ୍ଭାବନା ରହିଥାଏ। ଏଚଡିଏଲ୍ ଏକ ଜରୁରୀ କୋଲେଷ୍ଟ୍ରଲ ଯାହା ଶରୀରକୁ ହୃଦ୍ଘାତରୁ ରକ୍ଷା କରିଥାଏ। ତେଣୁ ଶରୀରରେ ଏଚଡିଏଲ୍ କୋଲେଷ୍ଟ୍ରଲର ମାତ୍ରା କମିଗଲେ ହୃଦ୍ ରୋଗ ହେବାର ଆଶଙ୍କା ବଢ଼ିଥାଏ।
ଦାନ୍ତ ସମସ୍ୟା
ଚିନିରେ ‘ରିକ୍ତ’ ନାମକ ଏକ କ୍ୟାଲୋରୀ ରହିଥାଏ। ଯାହା ଖାଇବାବେଳେ ପାଟି ଭିତରକୁ ଯାଇ ଦାନ୍ତ ସମସ୍ୟା ସୃଷ୍ଟି କରେ। ତେଣୁ ମିଠାଜାତୀୟ ଖାଦ୍ୟ ଖାଇବା ପରେ ମୁହଁ ଭଲ ଭାବେ ଧୋଇନିଅନ୍ତୁ।
ଆଳସ୍ୟ
ଚିନି ଖାଇବା କାରଣରୁ ମସ୍ତିଷ୍କରୁ ଡୋପାମାଇନ୍ ରିଲିଜ୍ ହୋଇଥାଏ। ଫଳରେ କିଛିଟା ଆଳସ୍ୟ ଅନୁଭବ ହୁଏ।
ଲିଭର୍ ସମସ୍ୟା
ଚିନିରେ ଫକ୍ଟୋସ ଭରି ରହିଥାଏ। ଏହା ଖାଇଲେ ଫକ୍ଟୋସ ସିଧା ଲିଭରକୁ ଯାଏ। ଏହା ଶରୀର ପାଇଁ ଜରୁରୀ। ଶାରୀରିକ ପରିଶ୍ରମ ନକଲେ ଲିଭରରେ ଫକ୍ଟୋସ ଚର୍ବିରେ ପରିଣତ ହୋଇଯାଏ। ଏହାଦ୍ଵାରା ଲିଭରରେ ନନ୍-ଅକ୍ଲୋହଲିକ୍ ଚର୍ବି ରୋଗ ହେବାର ସମ୍ଭାବନା ଥାଏ। ଆଗକୁ ଯକୃତ ସିରୋସିସ୍ ବା କ୍ୟାନସର୍ ହେବା ବହୁତ ସମ୍ଭାବନା ରହିଥାଏ।
