ଆଜି କୋଲକାତାରେ ଆଇପିଏଲ୍ ଖେଳାଳି ନିଲାମ,ବିଦେଶୀ ପ୍ଲେୟାରଙ୍କ ଉପରେ ନଜର

ଓଡ଼ିଶାଲାଇଭ୍ ବ୍ୟୁରୋ

ଆଜି କୋଲାକାତାରେ ଆଇପିଏଲ୍ (ଇଣ୍ଡିଆନ୍ ପ୍ରିମିୟର ଲିଗ୍)ର ଖେଳାଳି ନିଲାମ ହେବ। ଏଥିରେ ମୋଟ୍ ୯୭୧ଜଣ ଭାରତୀୟ ଓ ବିଦେଶୀ ଖେଳାଳି ଭାଗ ନେବେ।

କୋଲକାତାରେ ଖେଳାଳି ନିଲାମ ପକ୍ରିୟା ସହ ଆଇପିଏଲ ୧୩ ତମ ସଂସ୍କରଣର ପ୍ରଥମ ପର୍ଯ୍ୟାୟ ଆରମ୍ଭ ହୋଇଯିବ। ଏହି ଖେଳାଳି ନିଲାମ ପକ୍ରିୟାରେ ସମସ୍ତ ଆଠଟି ଫ୍ରାଞ୍ଚାଇଜ୍ ଭାଗନେବେ। ଏହାସହ ନିଜ ନିଜ ପସନ୍ଦର ଖେଳାଳିଙ୍କ ଉପରେ ନିଲାମ ଡାକିବେ।ସବୁଥର ଭଳି ଏଥର ମଧ୍ୟ ବିଦେଶୀ ଖେଳାଳିଙ୍କ ଉପରେ ସମସ୍ତଙ୍କର ନଜର ରହିବ। ବିଶେଷ କରି ଅଷ୍ଟ୍ରେଲୀୟ ଅଲରାଉଣ୍ଡର ଗ୍ରେନ୍ ମାକ୍ସୱେଲ୍, କ୍ରିସ୍ ଲିନ୍ ପ୍ରମୁଖ ସାମିଲ ଅଛନ୍ତି। ଏହି ଖେଳାଳିମାନଙ୍କର ବେସ୍ ପ୍ରାଇସ୍ ୨ କୋଟି ରଖାଯାଇଛି। ସେହିପରି ଅନ୍ୟ ଖେଳାଳିମାନଙ୍କ ମଧ୍ୟରେ ଇଂଲଣ୍ଡ ବ୍ୟାଟ୍ସମ୍ୟାନ ଜସନ ରୟ, ଅଲରାଉଣ୍ଡର ସାମ୍ କରନ୍, ୱେଷ୍ଟଇଣ୍ଡିଜ୍ ଖେଳାଳି ସିମରନ୍ ହେଟମେୟରଙ୍କ ଉପରେ ନଜର ରହିବ।

ଜାଣନ୍ତୁ, ନିଲାମ ହେବା ପୂର୍ବରୁ କେଉଁ ଦଳ ପାଖରେ ଅଛନ୍ତି କେଉଁ ଖେଳାଳି?