ଓଡ଼ିଶାଲାଇଭ୍ ବ୍ୟୁରୋ
କୋଭିଡ୍-୧୯ ବା କୋରୋନା ଭାଇରସ୍ ଏବେ ସାରା ବିଶ୍ଵରେ ଦୁଃସ୍ୱପ୍ନ ପାଲଟିଯାଇଛି। ହେଲେ ୧୦୦ ବର୍ଷ ପୂର୍ବେ କୋରୋନାଠାରୁ ବି ଏକ ବଡ଼ ଭାଇରସ୍ ସମଗ୍ର ବିଶ୍ୱରେ ହଇଚଇ ସୃଷ୍ଟି କରିଥିଲା। ଏହି ଭାଇରସ୍ର ନାଁ ଥିଲା ସ୍ପାନିସ୍ ଫ୍ଲୁ। ଫ୍ରାନ୍ସର ପଶ୍ଚିମ ଫ୍ରଣ୍ଟରେ ଥିବା ଏକ ତାଲିମ ଶିବିରରୁ ଏହି ଭାଇରସ୍ ଜନ୍ମ ହୋଇଥିଳା। ଧୀରେ ଧୀରେ ଏହା ବ୍ୟାପିବାରେ ଲାଗିଥିଲା। ଫ୍ରାନ୍ସ ସୀମା ନିକଟରେ ଥିବା ଅଞ୍ଚଳରେ ଏହି ଭାଇରସ୍ ପବନ ଭଳି ବ୍ୟାପିଗଲା।
ନଭେମ୍ବର ୧୯୧୮ ରେ ପ୍ରଥମ ବିଶ୍ୱ ଯୁଦ୍ଧ ଶେଷ ହୋଇଥିଲା, ହେଲେ ଏହି ଯୁଦ୍ଧରେ ସାମିଲ ଥିବା ସଂକ୍ରମିତ ସୈନ୍ୟମାନେ ଘରକୁ ଫେରିବା ବେଳେ ଏହି ଭାଇରସ ବିଭିନ୍ନ ଅଞ୍ଚଳରେ ଖେଳିଯାଇଥିଲା। ଏହି ରୋଗ କାରଣରୁ ଅନେକ ଲୋକଙ୍କର ମୃତ୍ୟୁ ହୋଇଥିଲା। କୁହାଯାଏ କି ସ୍ପାନିସ୍ ଫ୍ଲୁରେ ପାଞ୍ଚରୁ ଦଶ ନିୟୁତ ଲୋକଙ୍କର ମୃତ୍ୟୁ ହୋଇଥିଲା।
ଏହା ପରେ ମଧ୍ୟ ଅନେକ ମହାମାରୀ ଜଗତରେ ବ୍ୟାପିଗଲା, କିନ୍ତୁ ସ୍ପାନିସ୍ ଭାଇରସ୍ ଭଳି ମହାମାରୀ ଏତେ ମାରାତ୍ମକ ଓ ବ୍ୟାପକ ହୋଇନାହିଁ।
ବର୍ତ୍ତମାନ କୋଭିଡ୍ ୧୯ ଏକପ୍ରକାର ମାରାତ୍ମକ ରୋଗ ଭାବେ ମୁଣ୍ଡ ଟେକିଛି।
COVID-19ରେ ମୃତ୍ୟୁବରଣ କରିଥିବା ଅନେକ ଲୋକ ଏକ ପ୍ରକାର ନିମୋନିଆର ଶିକାର ହୋଇଛନ୍ତି ଯାହା ଶରୀରର ପ୍ରତିରୋଧକ ଶକ୍ତି ଉପରେ ପ୍ରାଧାନ୍ୟ ଦେଇଥାଏ। COVID-19 ଏବଂ ସ୍ପାନିସ୍ ଫ୍ଲୁ ମଧ୍ୟରେ ଏହା ଏକ ସମାନତା, ଯଦିଓ COVID-19 ସଂକ୍ରମିତ ବ୍ୟକ୍ତିଙ୍କ ମୃତ୍ୟୁ ହାର ସ୍ପାନିସ୍ ଫ୍ଲୁ ଅପେକ୍ଷା ଯଥେଷ୍ଟ କମ୍ ରହିଛି। ବର୍ତ୍ତମାନ ପର୍ଯ୍ୟନ୍ତ, ଏହି ରୋଗରେ ମୃତ୍ୟୁବରଣ କରୁଥିବା ଅଧିକାଂଶ ଲୋକ ହେଉଛନ୍ତି ବୃଦ୍ଧ ଲୋକ କିମ୍ବା ଯାହାର ରୋଗ ପ୍ରତିରୋଧକ ଶକ୍ତି ଦୁର୍ବଳ ଥିଲା ।
୧୦୦ ବର୍ଷ ପୂର୍ବେ ସ୍ପାନିସ୍ ଫ୍ଲୁ କେବଳ ରେଳ ଏବଂ ଡଙ୍ଗାରେ ଯାତ୍ରା କରୁଥିବା ଯାତ୍ରୀମାନଙ୍କ ମାଧ୍ୟମରେ ବ୍ୟାପିଥିଲା, ତେଣୁ ଏହା ଧୀର ଗତିରେ ବ୍ୟାପିଥିଲା। ଅନେକ ସ୍ଥାନରେ ସ୍ପାନିସ୍ ଫ୍ଲୁ ପହଞ୍ଚିବାକୁ ଅନେକ ମାସ ଏବଂ ବର୍ଷ ଲାଗିଥିଲା ବେଳେ କେତେକ ସ୍ଥାନରେ ଏହି ରୋଗ ପ୍ରାୟ ପହଞ୍ଚି ନଥିଲା।
ଡାକ୍ତରମାନେ ସ୍ପାନିସ୍ ଭାଇରସ୍କୁ ‘ଇତିହାସର ସବୁଠାରୁ ବଡ଼ ମହାମାରୀ ବୋଲି ଘୋଷିତ କରିଥିଲେ।
ଯେଉଁମାନଙ୍କ ସ୍ପାନିସ୍ ଫ୍ଲୁରେ ମୃତ୍ୟୁ ହୋଇଥିଲା ସେମାନଙ୍କ ମଧ୍ୟରୁ ଅଧିକାଂଶ ସହରର ଗରିବ ଅଞ୍ଚଳରେ ରହୁଥିଲେ ଯେଉଁଠାରେ ପରିମଳ ଏବଂ ପୁଷ୍ଟିକର ଖାଦ୍ୟ ଅଭାବ ଥିଲା।
