ଓଡ଼ିଶାଲାଇଭ୍ ବ୍ୟୁରୋ
ଗଲଓ୍ୱାନ ଘାଟିରେ ଭାରତ ଏବଂ ଚୀନ୍ ମଧ୍ୟରେ ଉତ୍ତେଜନା କମ୍ ହେଲା ଭଳି ଲାଗୁଛି। ସୋମବାର ଦିନ ଚୀନ୍ ସେନା ଗଲଓ୍ୱାନ ଘାଟିରୁ ପ୍ରାୟ ୨ କିଲୋମିଟର ଯାଏଁ ପଛକୁ ହଟିଛି। ତଥାପି ଚୀନ ଉପରେ କଡ଼ା ନଜର ରଖିଛି ଭାରତ।
ସୋମବାର ରାତିରେ ଯୁଦ୍ଧ ହେଲିକପ୍ଟର ଆପାଚେ ଭାରତ-ଚୀନ୍ ସୀମା ନିକଟରେ ଅପରେସନ୍ କରିଥିଲା। ବିଳମ୍ବିତ ରାତିରେ ଆପାଚେ, ଚିନୁକ୍ ସମେତ ଅନେକ ବିମାନ ଉଡ଼ାଣ କରୁଥିବା ଦେଖାଯାଇଥିଲା ଏବଂ ଚୀନ୍ ଉପରେ କଡା ନଜର ରଖିଥିଲା ।
ଭାରତ-ଚୀନ୍ ସୀମାରେ ଥିବା ଫରୱାର୍ଡ ବେସରେ ନଜର ରଖିବା ପାଇଁ ଆପାଚେ ହେଲିକପ୍ଟର ଉଡିଥିଲା। ଭାରତୀୟ ବାୟୁସେନା ସୀମାନ୍ତରେ ନିରନ୍ତର ଯୁଦ୍ଧ ଅଭ୍ୟାସ କରୁଛି ଏବଂ ପ୍ରତ୍ୟେକ ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତ ହେଉଛି।
ଆପାଚେ ହେଲିକପ୍ଟର ବ୍ୟତୀତ ମିଗ୍ -୨୯ ସମେତ ଅନ୍ୟାନ୍ୟ ଯୁଦ୍ଧ ବିମାନ ପୂର୍ବରୁ ଲେହ ଆକାଶରେ ଉଡ଼ିଥିବାର ନଜର ଆସିଛନ୍ତି।
